Nur-Sultan men Almatyǵa Qytaı kýrorttarynan 536 týrıst keldi

NUR-SULTAN. QazAqparat – Qazirgi ýaqytta Qazaqstanǵa qytaı kýrorttarynan 536 týrıst keldi. Olardyń ishinde sheteldik te azamattar bar, dep habarlaıdy QazAqparat tilshisi.

QR Mádenıet jáne sport mınıstri usynǵan aqparatqa qaraǵanda, 29 qańtar kúngi saǵat 10-00-degi derekterge sáıkes, QHR kýrorttarynan 536 týrıst keldi.

«Onyń ishinde saǵat 19-50-de (28 qańtar) Sanıa qalasynan Nur-Sultanǵa Tez tour» kompanııasynyń 295 týrısi jáne 29 qańtar kúni saǵat 00-25-te Haıkoý qalasynan Almatyǵa «Aeroling» kompanııasynyń 241 týrısi keldi», - delingen aqparatta.

Qytaıdan kelgenderdiń 525-i Qazaqstan azamattary, al 11-i sheteldikter. Sheteldikterdiń barlyǵy da Nur-Sultan qalasyna ushyp kelgen.

Jolaýshylardyń tizimi elimizdiń Densaýlyq saqtaý mınıstrligine berilgen. Nur-Sultan men Almaty qalasy áýejaılarynyń qyzmetkerleri usynǵan derekterge sáıkes, tótenshe jaǵdaı oryn alǵan joq.

Aıta keterligi, 29 qańtar kúni saǵat 17-30-da Almatyǵa Sanıa qalasynan 236 adam kelýi tıis. Olardyń 201-i qazaqstandyq týrıst.