Nur-Sultan men Almatydaǵy blok-beketterge áskerı qyzmetshiler tartylady

NUR-SULTAN. QazAqparat - Nur-Sultan men Almaty qalalarynda karantın rejımin qamtamasyz etý jónindegi is-sharalar aıasynda QR QK áskerı qyzmetshileri polıtsııa jáne Ulttyq ulan ókilderimen birge blok-beketterde qyzmet atqarady. Bul jóninde Qorǵanys mınıstrligine silteme jasap QazAqparat habarlaıdy.

2020 jyldyń 19 naýryzynan bastap Іshki ister mınıstrligi karantındik aımaqtarǵa kirip-shyǵýdyń shektelýin saqtaý úshin atqarylatyn birlesken qyzmetti uıymdastyrdy.

Ótken táýlikte Nur-Sultan qalasynyń aýmaǵyndaǵy blok-beketterde Qarýly Kúshter áskerı qyzmetshileri atqaratyn qyzmetterdiń uıymdastyrylýyn Qorǵanys mınıstri general-maıor Nurlan Ermekbaev pen QR QK Bas shtaby bastyǵy general-maıor Murat Bektanov tekserdi. Tekserý barysynda áskerı qyzmetshilerdiń moraldyq-psıhologııalyq jaǵdaıyna kóńil bólý, olardyń barlyq kerek-jaraqpen qamtamasyz etilýi, qyzmet kezindegi kez-kelgen jaǵdaıda óziniń is-qımyl tártibin bilýi basty nazarǵa alyndy.

Buryn aıtylǵandaı, nysandardy dezınfektsııalaıtyn bólimshelerden basqa Qarýly Kúshterden blok-beketterin kúsheıtý úshin tıisti daıyndyqtan ótken jáne osyndaı is-qımylda tájirıbesi bar desanttyq shabýyl áskerleriniń kelisimshart boıynsha áskerı qyzmetshileri, bitimgershilik polki jáne áskerı polıtsııa tartylady.