Nur-Sultan men Almatyda «StopMusor» áleýmettik jobasy iske qosylady
«Búgin qaýymdastyq StopMusor áleýmettik jobasyn iske qosady. Joba Ekologııa, geologııa jáne tabıǵı resýrstar mınıstrligi, sondaı-aq Nur-Sultan jáne Almaty qalalarynyń ákimdikteri qoldaý tapty. Jalpy joba qala turǵyndarynyń saýattylyǵy men áleýmettik jaýapkershiligin arttyrýǵa, mádenıetti damytýǵa, qoqysty azaıtý úshin turǵyndar arasynda turmystyq qaldyqtardy kádege jaratýǵa baǵyttalǵan. Qoqysty kádege jaratý jáne qaıta óńdeý máselesi mańyzdy másele ekeni sózsiz. Sonymen birge bul jumys úlken ınvestıtsııalyq shyǵyndardy jáne ınfraqurylymdy damytýdy talap etedi. Alaıda qoqysty arnaıy qoqys pen konteınerlerge tastaýdy bilmeıinshe, óńdeý salasyn damytý qıynǵa soǵatynyn aıta ketý kerek. Kóshede qoqystardy, temeki tuqylyn, bótelkelerdi, paketterdi jıi kóremiz. Sondyqtan Halyqaralyq qorshaǵan ortany qorǵaý kúni qarsańynda biz qoǵamnyń nazaryn aýdartyp, osy aktsııany bastaǵymyz keledi», - dedi Qazaqstannyń ekologııalyq uıymdary qaýymdastyǵy basqarmasy tóraǵasynyń orynbasary Eldos Abaqanov OKQ-da ótken onlaın rejımdegi baspasóz máslıhatynda.
Onyń aıtýynsha, áleýmettik zertteý barysynda qoqys jáshigine qoǵamdyq orynda shaǵyn qoqystyń 80 paıyzy túspeıtin kórinedi. Onyń bárin aınalyp kelgende óńdeýge bolady.
«Tótenshe jaǵdaı jáne karantın kezinde bizdiń aramyzda qorshaǵan ortaǵa beı-jaı qaramaıtyn azamattardyń bar ekendiginiń aıqyn kórgenimizdi atap ótkimiz keledi. Biz zertteý júrgizdik. Onyń nátıjeleri keıinirek sıpattalady. Biz aldyn-ala nátıjelerdi jarııalaǵymyz keledi. Saýalnamaǵa qatysqandardyń ár ekinshi adamy kóp jaǵdaıda qoǵamdyq oryndarda usaq qoqystardy kóretinin aıtty», - dep tolyqtyrdy tóraǵa orynbasary.
Joba aýqymdy nasıhat jumystaryn qamtıdy. Birqatar ekologııalyq sharalar týraly habarlanady. Eldos Abaqanovtyń aıtýynsha, josparlanǵan is-sharalardyń biri - qazaqstandyq sýretshiniń qatysýymen plastıkalyq paketterdi qoldana otyryp, kórkemdik nysan quraý.
«Joba 2020 jyly iske asyrylyp, 2021 jyldyń birinshi toqsanynyń sońynda aıaqtalady. Eki qalada - Nur-Sultan men Almaty qalalarynda uıymdastyrylady», - dep atap ótti Eldos Abaqanov.