Nur-Sultan men Almaty oblysynyń HQO-lary aldyn ala bron boıynsha qabyldaıdy
Budan buryn klıentterdi bron arqyly Almaty qalasynyń HQO-lary qabyldaı bastaǵan bolatyn.
«Bas sanıtar dárigerdiń qaýlysy – klıentterimiz ben qyzmetkerlerimizdi vırýstan qorǵaýǵa múmkindik beretin májbúrli shara. Bul sheshimge qazaqstandyqtar túsinistikpen qaraıdy dep oılaımyn jáne erekshe qajettilik bolmasa, azamattardy HQO-ǵa barmaýdy suraımyz. Sondaı-aq memlekettik qyzmetterdiń 80%-dan astamyn eGov.kz jáne eGov mobile mobıldi qosymshasynda onlaın alýǵa bolatynyn eske salamyn. Saq bolyńyzdar!» – deıdi Azamattarǵa arnalǵan úkimettiń Qoǵammen baılanys jónindegi basqarýshy dırektory Baıram Azızov.
Kezekti birneshe mınýt ishinde egov.kz portaly, egov mobile qosymshasy, egovkzbot2.0 (@kenes1414bot) telegram-boty, sondaı-aq 1414 baılanys ortalyǵyna qońyraý shalý arqyly brondaýǵa bolady.
Klıentke brondaý kezinde óziniń jeke derekterin toltyryp, óńirdi, HQO bólimin, kelý ýaqyty men kúnin tańdaý qajet.
Kópbalaly otbasylar, zeınetkerler nemese múgedektigi bar adamdar HQO-ǵa kezekti brondaý barysynda «Jeńildik terezesin» tańdaı alady. Sondaı-aq, eger HQO-ǵa bir barǵanda birneshe memlekettik qyzmet túrin rásimdeý qajet bolsa, portaldan tıisti baǵdardy tańdaý qajet.
Azamattarǵa arnalǵan úkimet HQO-ǵa brondalǵan ýaqyttan 10-15 mınýt buryn kelýge jáne barlyq sanıtarlyq talapty saqtaýdy suraıdy. Óńirlerdiń sanıtar dárigerleriniń qaýlysy boıynsha HQO-lar dúısenbiden senbige deıin saǵat 9.00-den 18.00-ge deıin jumys isteıdi (Almaty oblysynyń HQO-lary senbi kúni qysqartylǵan keste boıynsha qabyldaıdy).