Nur-Sultan mektepteri arasynda Jambyl oqýlary ótti

NUR-SULTAN. QazAqparat - «Astana daryny» daryndylyqty damytý jáne psıhologııalyq súıemeldeý ortalyǵy Jambyl Jabaevtyń 175 jyldyq mereıtoıy aıasynda №4 mektep-gımnazııada dástúrli Jambyl oqýlaryn ótkizdi. QazAqparat bul týraly elorda ákimdiginiń resmı saıtyna silteme jasap habarlaıdy.

Jambyl oqýlarynyń maqsaty – mektep oqýshylary arasynda aqynnyń eńbekterin nasıhattaý jáne shyǵarmalaryn tereń meńgerýge qyzyǵýshylyǵyn oıatý.

Jambyl oqýlaryna Nur-Sultan qalasynyń 62 bilim berý mekemesiniń 120 oqýshysynan ótinim qabyldandy.

Ár nomınatsııa boıynsha QR mádenıet qaıratkerleri, aqyndar men óner maıtalmandary, joǵary oqý oryndarynyń oqytýshylary qazylyq etti.

Baıqaýǵa qatysýshylardyń oqý mánerine, obrazǵa kirý ereksheligine jáne maǵynasyn tolyq jetkize alýyna aıryqsha mán berildi.

Aıta ketý kerek, is-shara sanıtarlyq normalar men karantındik talaptardy saqtaı otyryp ótkizildi.