Nur-Sultan kınoteatrlarynyń jumys isteý tártibi ózgerdi

NUR-SULTAN. QazAqparat – Nur-Sultan qalasy bas memlekettik sanıtar dárigeriniń jańa qaýlysymen kınoteatrlardyń jumys isteý tártibi ózgertildi, dep habarlaıdy QazAqparat.

«Ashyq jobasyna qatysatyn kınoteatrlardyń jumysyn otyratyn oryndar sanynyń 30%-nan aspaıtyn toltyrýmen, kórermenderdi qatardyń uzyndyǵy boıynsha arasynda eki kreslo qaldyryp jáne qatarlar boıynsha shahmattyq tártippen otyrǵyzyp, kúsheıtilgen sanıtarııalyq-epıdemııaǵa qarsy, sanıtarııalyq-profılaktıkalyq is-sharalardy saqtaýmen, aktsııalar ótkizbeı, jumys kestesin jumys jáne demalys kúnderi saǵat 10.00-den 24.00-ge deıin belgileýmen uıymdastyrý ruqsat etý qamtamasyz etilsin», - dep jazylǵan jańa qaýlyda.

Qujatta qaýlynyń mán-mańyzyn halyqqa túsindirý qalalyq ishki saıasat basqarmasyna, al oryndalýy Nur-Sultan qalasynyń sanıtarııalyq-epıdemıologııalyq baqylaý departamentiniń aýdandyq basqarmalaryna, Nur-Sultan qalasynyń polıtsııa departamentine, Nur-Sultan qalasynyń aýdandyq ákimdikterine júktelgen.

Qaýly 2021 jylǵy 2 shildede saǵat 00:00-den bastap kúshine enedi.