Nur-Sultan qalasy 1,5 aı boıy «qyzyl» aımaqta tur
«Nur-Sultan qalasynda koronavırýsqa qatysty ahýal turaqsyz bolyp tur. Qala 1,5 aı boıy «qyzyl» aımaqta. Kúnine 300-den 600-ge deıin jaǵdaı tirkeledi. Osy jyldyń basynan beri qala boıynsha aýyrǵandardyń sany 26 myńnan asty, pandemııa bastalǵannan beri 44 562 jaǵdaı tirkeldi. Onyń ishinde 29 338 sımptomy bar jáne 15 224 sımptomsyz. Sońǵy 6 kúnde qalada 100 myń turǵynǵa shaqqanda aptalyq syrqattanýshylyq kórsetkishi 320-dan 285-ke deıin azdap tómendegeni baıqaldy. Máselen, bir apta ishinde Covid-19 yqtımal oqıǵalarymen 3 371 jaǵdaı tirkelgen. Syrqattanýshylyq kórsetkishi aldyńǵy aptadan 11 paızǵa tómen. Aldyńǵy aptada yqtımal oqıǵalarmen 3 808 jaǵdaı tirkeldi. 100 myń turǵynǵa shaqqandaǵy qarqyndy kórsetkish – 283,6, reprodýktıvtilik sany - 0,95», - dedi ol elorda ákimdiginde ótken brıfıngte.
Bas memlekettik sanıtar dárigerdiń dereginshe, ótken táýlikte 584 bastapqy jaǵdaı tirkeldi. Sımptomdary bar - 462, sımptomsyz – 122 jaǵdaı.
«Qazirgi ýaqytta belsendi oshaqtar sany - 2 553, onyń ishinde úı oshaqtary – 1724, uıymdastyrylmaǵandar arasynda - 824. Medıtsınalyq baqylaýda 5 572 baılanysta bolǵan adam bar», - dedi Sarhat Beısenova.