Nur-Sultan beıbit kelissózder qalasyna aınaldy – Baqtııar Máken

NUR-SULTAN. QazAqparat – Nur-Sultan qalasy ákiminiń orynbasary, ákimdik janyndaǵy dinı birlestiktermen baılanys keńesi tóraǵasynyń orynbasary Baqtııar Máken elordanyń bitimgershilik róli týraly pikir bildirdi, dep habarlaıdy QazAqparat tilshisi.

«Qazaqstannyń qol jetkizgen mańyzdy jetistikteriniń biri – ultaralyq jáne dinaralyq kelisimge negizdelgen áleýmettik turaqtylyq. Jyl saıyn 18 qazanda elimizde Rýhanı kelisim kúni atalyp ótedi. QR Tuńǵysh Prezıdenti – Elbasy Nursultan Nazarbaevtyń bitimgerlik saıasat baǵytyn tańdaýy jahandyq yqpaldy arttyrýdaǵy turaqty platforma boldy. Zorlyq-zombylyq, dinı ekstremızm men terrorızm syndy qaýip-qaterdiń aldyn alý úshin Elbasy Álemdik jáne dástúrli dinderdiń kóshbasshylaryn sezge shaqyrdy. Bul sezd áli kúnde deıin mańyzdy gýmanıtarlyq joba bolyp sanalady. Osylaısha, bizdiń elorda din kóshbasshylarynyń dıalogyna arnalǵan, senim men ózara túsinistikke negizdelgen alań boldy. Bizdiń astana Sırııalyq retteýler boıynsha Jeneva protsesin tolyq qoldaıdy. Nur-Sultan qalasy beıbit kelissózder qalasyna aınaldy. Birlesken kúsh-jiger arqyly Sırııadaǵy shıelenisti toqtatatamyz dep úmittenemin», - dedi B. Máken Beıbitshilik jáne kelisim saraıynda rýhanı kelisim kúnine arnalǵan respýblıkalyq jıynda.

Sonymen birge, ákim orynbasary kún saıyn Qazaqstan halqynyń birligin nyǵaıtýǵa úles qosyp júrgen dinı jáne qoǵamdyq birlestikterdiń rólin atap ótti.

«Bizdiń mindetimiz – qoǵamda qalyptasqan etnosaralyq jáne konfessııaaralyq kelisimniń turaqty úlgisin saqtap qalý. Árbir qazaqstandyq tóbemizdegi ashyq aspandy qadirlep, Otanymyzdyń damýyna úles qosýy kerek. Elbasy Jastar jylynyń ashylýynda Qazaqstan halqy Assambleıasynyń jastar saıasatyna kóbirek kóńil bólýin tapsyrǵan edi. Assambleıa egemen Qazaqstannyń, urpaqtar sabaqtastyǵynyń, birlik pen patrıottyqty nyǵaıtý qundylyqtaryn nasıhattaý boıynsha naqty baǵdarlama ázirleýi tıis», - dedi Baqtııar Máken.

Aıta keteıik, Nur-Sultan qalasynda rýhanı kelisim kúnine arnalǵan «Rýhanı kelisim – birlik pen turaqtylyq kepili» respýblıkalyq konferentsııa ótti.

18 qazan – Qazaqstanda rýhanı kelisim kúni. 1992 jyly bekitilgen. 1992 jyldyń qazan aıynda Qazaqstannyń sol kezdegi astanasy - Almaty qalasynda rýhanı kelisimniń 1-inshi álemdik kongresi ótti. Sol kongreske qatysýshylar qazannyń 18-in rýhanı kelisim kúni - qaqtyǵystar men janjaldarǵa toqtam salý, tatýlyq izdeý, jaqynyńa qaıyrymdylyq jáne kómek kórsetý kúni dep jarııalaý týraly manıfest qabyldady.

Qazirgi ýaqytta elimizde 18 dinı konfessııa bar jáne 130-ǵa jýyq etnos ókilderi ómir súredi. Elimizde 3541 meshit, shirkeý, ǵıbadathana jáne 3720 dinı birlestik jumys isteıdi.