Nur-Sultan ákimdigi 100 elektr avtobýsyn satyp almaq

NUR-SULTAN. QazAqparat – Nur-Sultan qalasynyń ákimdigi jańadan 100 elektr avtobýsyn satyp alýdy josparlap otyr. Bul týraly qalalyq máslıhattyń otyrysynda málim boldy, dep habarlaıdy QazAqparat tilshisi.

«Satyp alý boıynsha nesıeni jabý úshin 1 mlrd 102 mln teńge kerek. Ol nesıege 100 elektr avtobýsyn satyp almaqpyz. Biz qazir elektr avtobýstaryn jetkizetin ınvestordyń jaýabyn kútip otyrmyz. Ol jyl sońyna deıin kólikterdi jetkizip berýi tıis», - dedi Nur-Sultan qalasy kólik jáne jol-kólik ınfraqurylymyn damytý basqarmasynyń basshysy Jansultan Saparbaev qalalyq máslıhat depýtattary aldynda jasaǵan baıandamasynda.

Sondaı-aq, basqarma basshysy elordada kelesi aptada jol salý, jóndeý naýqanynyń bastalatynyn aıtty.

«Jol jóndeý jumysy aýa raıyna baılanysty. Odan bólek, biz qazir qoǵamdyq kólik tarıfin qaıta qaraý máselesin qarap jatyrmyz. Sol sııaqty áleýmettik mańyzy bar marshrýttar sanyn kóbeıtýdi de qolǵa alamyz. Atalǵan máseleler boıynsha naqtylaıtyn jaıttar qaldy. 2-3 aı kóleminde daıyn bolady», - deıdi ol.

Buǵan deıin habarlaǵanymyzdaı, elorda joldaryndaǵy keptelisti sheshý úshin 2 kópir salynady.

Odan bólek, qala ákimdigi bıyl jol jóndeýge qosymsha 32 mlrd teńge surap otyr.