«Nur Otan» jalǵan aqparat taratqany úshin birneshe azamatty sotqa berdi

NUR-SULTAN. QazAqparat - «Nur Otan» jalǵan aqparat taratqany úshin S.Zakırov, M.Turymbetov jáne A.Ilıashev esimdi azamattardyń ústinen sotqa aryz berdi, dep habarlaıdy QazAqparat tilshisi partııa baspasóz qyzmetine silteme jasap.

Buǵan deıin jaýapkerler partııa qurýǵa kedergi keltirdi degen jeleýmen birneshe ret «Nur Otan» partııasynyń ústinen sotqa shaǵymdanǵan. Partııaǵa taǵylǵan bul aıyptaý áleýmettik jeliler men BAQ-ta da keńinen taraǵan.

«Saıası partııalar týraly» Zańnyń 10-baby 1-tarmaǵyna sáıkes, saıası partııany memlekettik tirkeýdi QR Ádilet mınıstrligi ǵana júzege asyrady. Demek, «Nur Otan» partııasy basqa partııalardy tirkeý isine qatysa almaıdy. Onyń ústine, bul másele boıynsha bireýge kedergi keltiretindeı múmkindigi de joq. Sondyqtan «Nur Otan» partııasy bul áreketti qoǵamdyq birlestiktiń bedeline nuqsan keltirý úshin jasalǵan dep esepteıdi. Soǵan baılanysty «Nur Otan» partııasy Qazaqstan Respýblıkasynyń Azamattyq kodeksiniń 143-babyna sáıkes tıisti talappen Almaty qalasynyń Jetisý aýdandyq sotyna júgindi», - delingen taratylǵan aqparatta.