«Nur Otan»: Túrkistan qalasynda 2023 jyly jańa temirjol vokzaly salynady
Onyń 8-i Túrkistan qalasyna tıesili. Atap aıtqanda, oblys ortalyǵynda 3 sút, 5 jemis jáne kókónis óńdeıtin joba iske asady. Bul týraly búgin Túrkistan shaharynda birqatar nysandardy aralap, saılaýaldy úgit-nasıhat jumystaryn júrgizgen oblystyq saılaýaldy shtab basshysy, oblystyq maslıhatynyń depýtattyǵyna úmitker Beısen Tájibaev málimdedi. Sonymen birge Bekarys Shoıbekov, Inara Namazbaeva jáne ózge de úmitkerler elmen kezdesti.
Shtab ókilderi aldymen isker áıelder alqasynyń múshelerimen kezdesip, partııanyń ýaqyt talabyna saı atqaryp jatqan jumys jospary týraly aıtty.
«Elimizde búginge deıin oryn alǵan qıyn sátterde Nur Otan» partııasy halyqtyń janynan tabylǵanyn ózderińiz jaqsy bilesizde. Jetekshi partııa aldaǵy ýaqytta da eldiń ekonomıkasy men azamattardyń áleýmettik jaǵdaıyn kóterý maqsatynda jumys isteýge erekshe nıet tanytyp otyr. Túrki áleminiń astanasy degen statýsy bar qalamyz kún sanap kórkeıip keledi. Kóptegen túrli baǵytta jumys isteıtin zamanaýı nysandar boı kóterýde. Mundaǵy jańadan ashylǵan áýejaı, mádenı, sporttyq jáne týrıstik mekemeler halyqaralyq deńgeıde qyzmet kórsetýi kerek. Sondyqtan jergilikti azamattardyń biliktiligi men bilimin arttyryp, sapaly qyzmet kórsetetin mamandar daıyndaýdy qolǵa alamyz. Osy josparlardy júzege asyrý úshin qalamyzdaǵy isker qyz-kelinshekterimizdi «Nur Otan» partııasymen birlesip jumyla jumys isteýge shaqyramyn», – dedi B.Dáýletuly.
Sondaı-aq oblystyq saılaýaldy shtabynyń basshysy «Qýanysh» saýda ornyndaǵy satýshylarmen kezdesip, jetekshi partııanyń saılaýaldy baǵdarlamasy boıynsha aldaǵy 5 jylda Túrkistan qalasynda buryn-sońdy atqarylmaǵan aýqymdy jumystar júrgiziletinin jetkizdi. Onyń aıtýynsha, oblys ortalyǵy tolyq tabıǵı gazben qamtylatyn bolady. Qazirgi tańda osyǵan baılanysty tıisti jumystar atqarylyp jatqanyn aıtyp, saılaýda «Nur Otan» partııasyna daýys berýge shaqyrdy.
Sonymen qatar shtab basshysy «Túrkistan temirjol vokzaly» AQ-nyń ujymymen de kezdesti. Ondaǵy vokzal ǵımaratyn aralap, birqatar ózekti degen máselelerimen tanysty. Atalǵan mekemeniń qyzmetkerleri temir jol boıyndaǵy jaryqshamdardyń tozyǵy jetkenin, bul halyqqa sapaly qyzmet kórsetýge aıtarlyqtaı kedergisin keltirip jatqanyn aıtty. Sondaı-aq, ondaǵy jaıaý júrginshiler kópirin de jańalap, múmkindigi shekteýli azamattardyń júrip turýyna qolaıly jaǵdaı jasaýǵa yqpal etýdi surady.
Óz kezeginde B.Tájibaev aıtylǵan másele óte mańyzdy ekenin aıta kele, «Nur Otan» partııasynyń oblystyq saılaýaldy baǵdarlamasyna engizýge atsalysatynyn aıtty. Odan bólek, 2023 jyly Túrkistan qalasynda partııanyń yqpalymen jańa temir jol salynatynyna da toqtaldy.
Birqatar nysandardy aralap shyqqan oblystyq saılaýaldy shtab basshysy saparynyń sońynda oblystyq aqsaqaldar alqasynyń tóraǵasy, zeınetker Jarylqasyn Áziretbergenovtyń shańyraǵyna aıaldady. Partııanyń jumys josparyna qanyqqan J.Áziretbergenov partııanyń jýyrda ǵana ótkizgen praımerızge degen óziniń erekshe pikirin bildirdi.
«Buryn saılaý naýqanynda jekelegen úmitkerler ózderiniń atynan halyqqa ýáde berip, keı kezderi oryndalmaı qalyp jatatyn. Ol endi jasyryn emes qoı. Al, qazirgi halyqtyń ıgiligi úshin tutas partııa jumylyp jumys isteıtini óte jaqsy bastama. Sondaı-aq, buryn túrli sebeptermen bosap qalǵan depýtattyq mandatqa jańadan azamat kelý úshin, arnaıy saılaý uıymdastyrylatyn. Búginde praımerız arqyly depýtattyqqa úmitker nurotandyqtardyń reıtıng tizimi arqyly eshqandaı saılaýsyz-aq tıisti azamattar depýttyq mandatty alatyn boldy. Bul da bir saıası júıedegi utymdy ózgeris boldy», – dedi oblystyq aqsaqaldar alqasynyń tóraǵasy.
«Nur Otan» partııasyna daýys berińiz!
Materıal «Nur Otan» partııasy Túrkistan oblystyq saılaý qory qarjysy esebinen jarııalandy.