Nur Otan saılaýaldy shtaby Túrkistanǵa keldi

TÚKІSTAN. «Nur Otan» partııasynyń Respýblıkalyq saılaýaldy shtaby Túrkistan oblysyna keldi. 60-qa jýyq partııa belsendisi, qoǵamdyq pikir kóshbasshylary men partııalyq tizimderdegi kandıdattar óńir aýmaǵynyń jartysynan astamyn qamtı otyryp, birneshe kezdesý ótkizdi, dep habarlaıdy QazAqparat.

Onyń ishinde agrarshylarmen, muǵalimdermen, dárigerlermen, erekshe qajettilikteri bar adamdarmen jáne basqa da azamattarmen júzdesti.

Kópbalaly analarmen kezdesý barysynda áıelderdi áleýmettik qoldaý sharalary talqylandy. Nurotandyqtar basqosýda kóterilgen máselelerdi tyńdap, baqylaýǵa aldy.

Kentaý qalasynda turǵyndarmen kezdesýde aýyldardy gazdandyrý, aýyz sýǵa qoljetimdilikti qamtamasyz etý, áleýmettik nysandar salý jáne jańa jumys oryndaryn ashý máseleleri kóterildi.

Sonymen qatar, Túrkistan oblysynyń zııalylarymen kezdesýde memlekettik til men ulttyq mádenıetti ary qaraı damytý jaıy áńgime arqaýyna aınaldy.