«Nur Otan» Saıası keńesi otyrysynda qandaı máseleler talqylanady

NUR-SULTAN. QazAqparat – QR Aqparat jáne qoǵamdyq damý mınıstri Dáýren Abaev naýryzda ótetin «Nur Otan» partııasy Saıası keńesiniń keńeıtilgen otyrysy týraly pikir bildirdi, dep habarlaıdy QazAqparat tilshisi.

«Ózderińiz jaqsy bilesizder, parlamenttik saılaýdyń konstıtýtsııalyq merzimderi jaqyndap keledi. Qazirdiń ózinde saıası kúshter daıyndyqty bastap ketti. Tamyz aıynda Nursultan Nazarbaev túbegeıli ózgeristiń qajet ekenin aıtty. Bul ýaqytta partııa jańarý boıynsha eleýli jumys atqardy. Ásirese, óńirlerge, bastapqy uıymdarmen jumysqa basa mán berildi. Halyqtyń áleýmettik kóńil-kúıi zerttelip, sybaılas jemqorlyqqa qarsy is-qımyl kúsheıdi, máslıhattar jańasha jumys tásiline kóshti. Aldaǵy Saıası keńeste qaıta jańarýdyń aralyq qorytyndylary aıtylyp, saılaýaldy kezeńge jańa tapsyrmalar beriledi dep oılaımyn», - dedi mınıstr «Habar» arnasyndaǵy «Ashyq dıalog» baǵdarlamasynda.

Eske sala ketsek, 5 aqpanda «Nur Otan» partııasynyń Tóraǵasy - Elbasy Nursultan Nazarbaev 2020 jyldyń 18 naýryzynda partııanyń Saıası keńesiniń keńeıtilgen otyrysyn shaqyrý týraly Qaýlyǵa qol qoıdy.