«Nur Otan» praımerıziniń tolyqqandy nátıjesin aıtýǵa áli erte - Aıdos Sarym
«Menińshe, praımerızdiń tolyqqandy nátıjesin aıtýǵa áli erte sııaqty. Birinshi kezeńi degenimiz jón bolar. Óıtkeni, kez kelgen úlken saıası jobanyń óziniń satylary bar. Degenmen úlken bir satysy aıaqtalyp otyr degenimiz jón. Aldaǵy ýaqytta aımaqtyq, aýdandyq, qalalyq, oblystyq konferentsııalar ótýi kerek. Olar belgili bir dárejede ózderiniń tizimderin, qatysatyn adamdardyń naqty quramyn bekitýi qajet. Sol kezde jalpy praımerız máselesi sheshildi deýge bolady», - dedi Aıdos Sarym «Nur Otan» partııasy praımerıziniń qorytyndysyna arnalǵan dóńgelek ústel barysynda.
Al L.Gýmılev atyndaǵy Eýrazııa ulttyq ýnıversıtetiniń shaqyrylǵan profesory reseılik Andreı Shenın «Nur Otan» partııasy praımerızine úmitkerlerdiń alýan túri bolǵanyn aıtyp, olardyń saılaý aldyndaǵy naýqanyna nazar aýdardy.
«Máselen, olardyń keıbirinde burynnan qoldanyp kele jatqan Telegram arnalary bolsa, endi bireýleri Facebook syndy áleýmettik jelilerdegi dostarynyń qoldaýyna úmit artty. Al burynǵydaı kóshege shyǵyp úgit-nasıhat júrgizý jumystary bolǵan joq»,- dedi Andreı Shenın.