Nur Otan praımerızine qatysýǵa 55 almatylyq nıet bildirdi
«Qurmetti almatylyqtar! Ózderińiz biletindeı, keshe Qazaqstanda Nur Otan partııasynyń praımerızine qatysýǵa ótinim qabyldaý bastaldy. Bul — máslıhat men Májilistiń negizgi saılaýyna myqty ári kreatıvti kandıdattardy anyqtaýǵa kómektesetin partııa ishindegi rásim»,– dep jazdy ákim.
Sonymen qatar, almatylyq jastar úshin bul óz ıdeıalaryn júzege asyrýǵa úlken múmkindik ekenin atap ótti.
«Almaty – jastar qalasy. Ári onyń eldiń saıası jáne ekonomıkalyq damýy úshin mańyzy asa zor. Sondyqtan bul almatylyq jas býyn ókilderine óz úlesterin qosyp, óz ıdeıalaryn júzege asyrýyna úlken múmkindik»,– deıdi ákim.
Praımerızge qatysýǵa 55 almatylyq nıet bildirgen.
«Birinshi kúni-aq praımerızge qatysýǵa 55 almatylyq nıet bildirdi. Sonyń ishinde 38%-y áıelder, 21%-y jastar. Sondaı-aq olardyń ishinde erekshe qajettilikteri bar adamdar men kópbalaly analar bar»,– dep atap ótti shahar basshysy.
Partııa qundylyqtaryn bólisetin jáne saılaý quqyǵyna ıe memlekettiń taǵdyryna beıjaı qaramaıtyn kez kelgen adamnyń praımerızge qatysýyna bolady.