Nur Otan praımerızinde 662 myńnan astam adam daýys bergen
«Búgin praımerızdiń birinshi kezeńi boıynsha saılaýshylardyń daýysyn esepteý jumysy tolyqtaı aıaqtaldy. Onlaın-daýys berý nátıjeleri belgili. Qaǵaz bıýlletenderdiń barlyǵy partııanyń Ortalyq uıymdastyrý komıtetine jetkizilip, rastaldy. Máselen, Jambyl, Túrkistan jáne Qyzylorda oblystarynyń shalǵaı aýdandarynan jetkizilgen qaǵaz bıýlletenderdiń sońǵy legin tańerteń aldyq. Endi búkil málimet «Praımerız» aqparattyq júıesine tolyq salynyp, barshaǵa qoljetimdi boldy «, dep jazdy Arman Qyryqbaev Facebook -tegi paraqshasynda.
Onyń aıtýynsha, tórt kún boıy «Nur Otan»-nyń aqparattyq júıesinde tirkelgen músheleriniń 662 687-ci nemese 84,2%-i daýys berýge qatysqan. 581 104 partııalyq onlaın-formatta daýys berse, al 81 583 nurotandyq dástúrli túrde qaǵaz bıýlletenmen tańdaýyn jasaǵan.
«Osy kórsetkishterdiń ózi-aq elimizde ǵana emes, búkil Orta Azııada tuńǵysh ret uıymdastyrylǵan jańa saıası qural – praımerızge jurttyń erekshe qyzyǵýshylyq tanytqanyn jáne onyń óz deńgeıinde ótkenin aıqyn kórsetti.
Elbasy, partııa Lıderi Nursultan Nazarbaev saıası dodany ótkizer aldynda «Praımerızdiń mindeti – halyqtyq partııalyq tizimderdi qalyptastyrý» dep atap ótken bolatyn. Praımerız nátıjesi partııa Lıderi qoıǵan tapsyrmanyń oryndalýyna qajetti alǵysharttyń naqty jasalǵanyn kórsetip otyr. Bastapqyda týyndaǵan keıbir kúdik pen kúmánge qaramastan, praımerız óte qarqyndy da tartysty ótti. Ásirese, dodaǵa qatysqandar arasynda jastar men áıelder qatary mol», - dedi Arman Qyryqbaev.
Praımerızde baq synaýǵa 10 990 adam tirkelse, olardyń 36,7% - áıelder, 29% – 35 jasqa deıingi jastar. Qatysýshylardyń ortasha jasy – 43.
«Tujyrymdap aıtsaq, birinshiden, partııa praımerızdiń arqasynda óz qatarlastary arasynan eldiń qoldaýy men senimine ıe bolǵan úzdikterdi iriktedi.
Ekinshiden, praımerız ótkizý barysynda partııanyń aýyzbirshiligi artyp, ortaq maqsat jolyndaǵy murattas jandardyń birtutas kúshine aınaldy. ıAǵnı, praımerız partııalastardy bir-birimen tyǵyz baılanystyratyn, birligin bekemdeıtin dánekerlik qyzmet atqardy.
Praımerız barysynda halyqtyń nazaryna usynylǵan 216 saılaýaldy baǵdarlamanyń jobasy oı eleginen ótkizilip, oǵan 20 myńnan astam usynys jınaldy. Tyńnan oı qosylyp, atalǵan jobalar halyqtyq sıpat ıelendi.
Biz elimizde ótken praımerızde onyń shet elderde qalyptasqan klassıkalyq úlgisine tán belgilerdiń barlyǵy da kórinis tapqanyna kýá boldyq. Qatysýshylar arasynda pikirsaıys ta, tartys ta, tipti keıde bir-birin aıyptaý da ushyrasty. Biraq bári de bekitilgen erejege saı, ádepten aspaı ótti. Bul jerde jeńgen men jeńilgen degen joq. Bári de utty. Praımerız eń aldymen elimiz úshin ıgi is boldy», - dedi Arman Qyryqbaev.
Partııa hatshysynyń aıtýynsha, praımerız ótkizý kezeńi boıy Partııalyq baqylaý komıteti tyńǵylyqty jumys jasap, tártip buzýshylyqtarǵa jedel nazar aýdaryp, tıisti sharalar qabyldaǵan.
«Atap aıtqanda, 30-dan astam aryz ben ótinish qaraldy. Praımerız ótkizý erejesin buzǵany úshin partııanyń 20 múshesi jaýapkershilikke tartyldy, daýystardy burmalaý faktileri úshin 7 kandıdat, praımerız ótkizý erejesin saqtamaǵany úshin 27 úmitker tirkeýden shyǵaryldy.
Jalpy, praımerız nátıjesinde Elbasy bastamasymen byltyr qolǵa alynǵan partııany «qaıta jandandyrý» baǵdarlamasy túıindeldi. Partııa túbegeıli jańǵyryp, qatary jańa tulǵalarmen tolyqty. Osylaısha, «Myqty lıderler – myqty partııa» qaǵıdaty júzege asty», - dedi Arman Qyryqbaev.
Ol aıtýly sharaǵa qatysqan barsha úmitkerdi quttyqtady.
««Nur Otan» partııasy – memlekettiligimizdiń myzǵymaýyn, elimizdiń ósip órkendeýin qamtamasyz etýge de birden bir qaýharly saıası kúsh. Muny praımerız nátıjeleri anyq kórsetti. Partııa elimizde jańa saıası mádenıetke negiz qalady», - dedi partııa hatshysy.