Nur Otan praımerızi: SQO-dan depýtattyqqa 645 adam úmitker
SQO-da «Nur Otan» partııasy praımerıziniń birinshi kezeńiniń qorytyndysy týraly partııanyń oblystyq fılıal tóraǵasynyń birinshi orynbasary Ásem Rahmetova brıfıngte aıtyp berdi.
Óńirde 645 úmitker tirkelse, sonyń 12,7% nemese 82 azamat – QR Parlamenti Májilisine, 20,5% nemese 132 azamat – oblystyq máslıhatqa, 90,4% nemese 585 azamat qalalyq jáne aýdandyq deńgeıdegi depýtattyqqa kandıdat. Aıta keteıik, olardyń keıbiri óz kandıdatýrasyn Májiliske de, máslıhattarǵa da usynyp otyr.
Praımerızge qatysýǵa nıettengenderdiń basym bóligi – 114 adam Petropavl turǵyny bolsa, 51 úmitker Maǵjan Jumabaev aýdanynan tirkeldi.
«Bir depýtattyq orynǵa eń kóp úmitker – 6 adam Petropavl qalasynda tirkeldi. M. Jumabaev aýdanynda 4 adam, qalǵan 12 aýdanda 3 adamnan bir orynǵa talaspaq. Ózin-ózi usynǵandar kóp, bul – barlyq úmitkerlerdiń 67%. Bastaýysh partııa uıymdarynan eki júzden astam kandıdat usynyldy», - deıdi Ásem Rahmetova.
Áıelder men jastar bul joly joǵary belsendilik tanytty. Úmitkerlerdiń 40% - áıel, al 26,4% - 35 jasqa deıingi jastar. Eń jas úmitker 19 jasta. Úmitkerlerdiń eń jasy úlkeni – 72 jasta, ekeýi de Petropavl turǵyndary.
Úmitkerlerdiń jartysyna jýyǵy – bilim jáne ǵylym salasynyń ókilderi. Praımerızge qatysýǵa nıettengenderdiń qatarynda tanymal tulǵalar da bar, olar – úsh qarǵyp sekirýden QR halyqaralyq dárejedegi sport sheberi Irına Ektova, «Búkilqazaqstandyq Kekýshınkaı Karate uıymy» RQB SQOF dırektory Vladımır Vıtchenko, «Zenchenko jáne kompanııa» KS Bas dırektory, Qazaqstannyń Eńbek Eri Gennadıı Zenchenko.
Depýtat bolýǵa óńirden 11 kópbalaly ana, 5 múmkindigi shekteýli azamat nıet bildirdi, olardyń ishinde kórnekti qoǵam qaıratkerleri Sálimhan Sábıtov pen Vladımır Erman bar.
«Praımerızdi ótkizýdiń barlyq kezeńinde partııalyq baqylaý komıssııasy jumys isteıtinin atap ótkim keledi, onyń mindetine praımerızderdiń barlyq erejeleriniń saqtalýyn baqylaý kiredi. ıAǵnı úgit-nasıhat jumystarynyń jáne daýys berý barysyn qadaǵalaıdy», - deıdi Ásem Rahmetova.