Nur Otan praımerızi: ShQO-nyń alty aýdanynda ashyq pikirsaıys bastaldy
«Nur Otan» partııasy ShQOF baspasóz qyzmetiniń málimetinshe, aýdandyq fılıaldardyń atynan praımerızge qatysýshylar pikirsaıys barysynda turǵyndardy mazalaıtyn suraqtardy talqylap, óz baǵdarlamalaryn tanystyrdy.
«Altaı aýdany boıynsha Buqtyrma sý qoımasy jaǵalaýyndaǵy týrıstik ınfroqurylymdy jaqsartý qajettigi, sondaı-aq Jańa Buqtyrma kentindegi qazaq mektebi ornalasqan ǵımarattyń zaman talabyna saı emes ekendigi sóz etildi. Dıplommen aýylǵa baǵdarlamasy aıasynda jas mamandardy aýyldyq jerlerge tartýdy jáne shańǵy sportyn damytý úshin jattyqtyrýshylarǵa qosymsha jumys ornyn ashý máselesin Shemonaıha aýdanynyń praımerızge qatysýshy úmitkerleri kóterdi», - delingen habarlamada.
Semeı, Kýrchatov, Besqaraǵaı, Katonqaraǵaı aýdandarynda ótken ashyq pikirsaıysqa qatysýshylar da óńirlerdegi áleýmettik máselelerdi kóterip, óz usynystarymen bólisti.