Nur Otan» partııasynyń sarapshylar toby «JQJK 2020» baǵdarlamasyn júzege asyrý sharalaryn qarastyrdy

ASTANA. QazAqparat - Búgin QR DSÁDM-de QR Parlamenti Májilisiniń depýtaty Aıgúl Nýrkınanyń basshylyǵymen vıdeokonferentstsııa tártibinde «Nur Otan» partııasy sarapshylar tobynyń «Nur Otan» partııasy 2016-2020 jyldarǵa arnalǵan «Qazaqstan - 2021: Birlik. Turaqtylyq. Jasampazdyq» saılaýaldy baǵdarlamasynyń «Halyqtyń áleýmettik turǵydan osal tobyn jumyspen qamtý sharalary arqyly qoldaý» baǵyty boıynsha otyrysy ótti, dep habarlaıdy QR Densaýlyq saqtaý jáne áleýmettik damý mınıstrliginiń baspasóz qyzmeti.

Sharaǵa QR Parlamenti Májilisiniń depýtattary, «Nur Otan» partııasynyń músheleri, «Atameken» Ulttyq kásipkerler palatasynyń, QR Kásipodaqtar Federatsııasynyń, «Aýyl sharýashylyǵyn qarjylaı qoldaý qory» AQ-nyń, ortalyq memlekettik organdardyń ókilderi, oblys, Astana, Almaty qalalary ákimderiniń orynbasarlary, aımaqtardaǵy jumyspen qamtý jáne áleýmettik baǵdarlamalar

Otyrysta sóz sóılegen QR Densaýlyq saqtaý jáne áleýmettik damý Vıtse-mınıstri Birjan Nurymbetov Qazaqstandaǵy eńbek naryǵyndaǵy jaǵdaı týraly baıandady.

«Ekonomıkalyq ahýaldyń tómendeýi jaǵdaıynda eńbek naryǵyndaǵy turaqtylyqty saqtaý máselesiniń ózektiligi arta túsedi. Halyqty jumyspen qamtý maqsatynda memleket birqatar sharalardy, onyń ishinde Jumyspen qamtý 2020 jol kartasyn júzege asyryp keledi. Memleket basshysynyń tapsyrmasyn oryndaý maqsatynda atalǵan baǵdarlama jańǵyrtylǵan bolatyn. Qysqartylǵan jumys ýaqytyna tólenetin jalaqyny (Germanııa tájirıbesi) ýaqytsha sýbsıdııalaý, qyzmetkerlerdi oqytý úshin jumys berýshilerge granttardy berý, jumys isteıtin jastardy kásibı oqytý arqyly jumys oryndaryn saqtaý tetikteri jasaldy.

Sonymen birge, mıkrokredıtteý tıimdiligin arttyrý, qyzmet kórsetý salasyndaǵy jumyspen qamtýdy ulǵaıtý arqyly jumys oryndaryn qurý boıynsha sharalar qarastyrylǵan», - dep habarlady ol.

Vıtse-mınıstr 2016 jylǵy 1 toqsannyń qorytyndysy boıynsha ekonomıkalyq belsendi halyq sany 8 mln. 907,2 myń adam bolǵanyn málimdedi.

«Búginde ekonomıkada 8 mln. 463,4 myń adam jumyspen qamtylǵan. Ekonomıkalyq belsendi halyqqa shaqqandaǵy jumyspen qamtý deńgeıi 95%-ǵa jetti. Jumys isteıtin azamattardyń arasynda jaldamaly jumysshylar sany 6 mln. 235 myń adam nemese 74%, ózdiginen jumyspen qamtylǵandar - 2 mln. 228,3 myń adam. Onyń ishinde ónimdi túrde ózin-ózi jumyspen qamtyǵandar - 1 mln. 809,6 myń, tıimsiz túrde ózin-ózi jumyspen qamtyǵandar - 418,7 myń adam. Jumyssyzdar sany 443,7 myń adam, jumyssyzdyq deńgeıi - 5% bolyp otyr. Jastar arasyndaǵy jumyssyzdyq (15-28 jas) - 4,3%, áıelder arasyndaǵy jumyssyzdyq - 5,6%», - dep habarlady Birjan Nurymbetov.

2016 jylǵy 1 maýsymdaǵy málimetterge saı «Jumyspen qamtý 2020 jol kartasy» baǵdarlamasyn júzege asyrýǵa 100,8 mlrd. teńge bólindi.

Baǵdarlamaǵa 56,7 myń adam, onyń ishinde 39,8 myń jumyssyzdar (70,2%),  ózdiginen jumyspen qamtylǵandar - 16,3 myń adam (28,7%), ishinara jumyspen qamtylǵandar - 589 adam (1%) qatysty.

Baǵdarlamaǵa qatysýshylar arasynda az qamtylǵandar sany - 2267 adam, múgedekter sany - 1822 adam. 29 jasqa deıingi jastar sany  48% (27069 adam), áıelder - 49% (27571 adam).

«JQJK 2020» aıasynda 56677 azamatqa jumysqa ornalasýǵa kómek kórsetildi, onyń ishinde turaqty jumys oryndaryna 37920 adam nemese 67%.

Búgingi kúni 149 jobany iske asyrý bastaldy, 1938 jumys orny qurylyp, onyń ishinde 913 baǵdarlamaǵa qatysýshylar bolyp otyr.

Ekinshi baǵyttyń aıasynda mıkrokredıtteýge 30,8 mlrd. teńge bólinip, 592 kredıt berildi, ýaqytynan buryn qaıtarylǵan qarajat esebinen 402 kredıt berildi. Barlyǵy 994 adam mıkrokredıt aldy.

Úshinshi baǵyt aıasynda kásibı oqytý sharalarymen 3930 adam qamtyldy, onyń ishinde jańa qabyldaýdan 3711 adam jumysqa kiristi. Bul jospardyń 62%-y bolyp otyr. Ótken jyldan ári qaraı oqýyn jalǵastyrýshylar sany 219 adam. Oqýdy 478 adam támamdap, onyń 272 adamy nemese 57%-y jumysqa ornalastyryldy.

Áleýmettik jumys oryndaryna 10977 adam (josparlanǵan kórsetkishtiń 114,8%-y) 54208 aılyq ortasha jalaqy kórsetkishimen jumysqa ornalastyryldy. Jastar praktıkasyna 6867 adam  (61%) jiberildi.

Jumys kúshi mol aımaqtardan jumys kúshi jetispeıtin aımaqtarǵa 263 otbasy kóshti (511 adam). 305 jumysqa jaramdy otbasy músheleriniń 253-si jumysqa ornalastyryldy, onyń ishinde turaqty jumys oryndaryna 248 adam (98%).

Esterińizge sala keteıik, 2015 jyly «JQJK 2020» júzege asyrý úshin 32,8 mlrd. teńge jumsalǵan bolatyn: 1-baǵytty (ınfraqurylymdyq nysandardy jóndeý) iske asyrýǵa 13,7 mlrd. teńge (98%). Mıkrokredıtteýdi uıymdastyrýǵa 10,4 mlrd.teńge (31,7%), halyqtyń  maqsatty tobynyń jalaqysyn sýbsıdııalaý men olardy kásibı oqytý (áleýmettik jumys oryndary, jastar praktıkasy) - 6 mlrd. teńge, eńbek mobıldiligin arttyrý - 2,7 mlrd. teńge (8,3%).

2015 jyly baǵdarlamaǵa 136 myń adam qatysty, «JQJK 2020» aıasynda 588 ınfraqurylymdyq joba júzege asyrylyp, 8,6 myń adam jumysqa ornalastyryldy. Sonymen qatar, 6 myńnan astam adam óz bıznesin ashý men ulǵaıtý maqsatynda  mıkrokredıt aldy, olar 6,1 myń qosymsha jumys oryndaryn ashty. 14 myń adam tegin kásibı oqytýǵa jiberildi, 24,5 myń adam memleket sýbsıdııalaǵan jumys oryndaryna jumysqa ornalastyryldy, 1,2 myń adam jańa meken-jaıǵa kóshirildi. Olarǵa turǵyn úı berilip, jumyspen qamtý sharalary kórsetildi.