«Nur Otan» partııasynyń ókilderi Denıs Tendi bir mınýt únsizdikpen eske aldy
Sapar barysynda ol partııa oblystyq fılıalynyń konferentsııasyna qatysty. Konferentsııa jumysy qapııada qaza tapqan dańqty sportshy, mánerlep syrǵanaýdan Sochı Olımpıadasynyń qola júldegeri, álem chempıonaty, Azııa oıyndary sııaqty dúbirli dodalarda el namysyn abyroımen qorǵaǵan sport sheberi, «Nur Otan» partııasynyń múshesi Denıs Tendi eske alý úshin bir mınýt únsizdikpen bastaldy.
Atalǵan jıynda partııa qyzmetin jańǵyrtý aıasynda qolǵa alynǵan jańa jobalar men Elbasy aldymyzǵa qoıǵan mindetterdiń óńirde júzege asyrylý barysy pysyqtaldy. Sondaı-aq jańadan qurylǵan oblystaǵy partııa fılıalynyń tóraǵasy saılandy.
Túrkistan - barsha túrki álemi kıe tutatyn qasıetti meken. Uzaq jyl Qazaq handyǵynyń astanasy bolyp, el irgesiniń bekı túsýine de úlken úlesin qosty. Kúni búginge deıin elimizdiń rýhanı astanasy bolyp kelgen shaharǵa Elbasymyz óziniń tarıhı sheshimimen jańa mártebe berip, úlken jaýapkershilik júktep otyr.
Memleket basshysynyń Jarlyǵynan keıin óńirde qyzý jumys bastalyp, barlyq memlekettik organdar men saıası kúshter jańa oblystaǵy is-áreketterin jańa baǵytta órbitýdi bastap ketti. Soǵan oraı «Nur Otan» partııasy da partııa oblystyq fılıalynyń aldynda turǵan maqsat-mindetterdi aıqyndap, erekshe ekpinmen iske kirisýde. Konferentsııada partııa tóraǵasynyń birinshi orynbasary Túrkistannyń tarıhymyzda alar orny erekshe ekenine nazar aýdaryp, Elbasynyń óńirge úlken úmit artyp otyrǵanyn aıtty.
«Túrkistan Elbasy saıasatynyń arqasynda damýdyń jańa kezeńine aıaq basyp otyr. Bul tarıhı sheshim ata-babalarymyz bastap ketken irgeli istiń laıyqty jalǵasy jáne qalanyń ósip-órkendeýine oń áserin tıgizetin mańyzdy qadam ekeni sózsiz. Osylaısha Memleket basshysy Túrkistannyń qaıtadan túlep, jańǵyryp, el damýyna óz úlesin qosatyn ortalyqqa aınalýyna dańǵyl jol ashyp berdi», - dedi Máýlen Áshimbaev.
Jıyn barysynda konferentsııa delegattarynyń maquldaýymen oblys ákimi Janseıit Túımebaev «Nur Otan» partııasy Túrkistan oblystyq fılıalynyń tóraǵasy bolyp saılandy. Máýlen Áshimbaev oblys ákiminiń bul qyzmetti de abyroımen atqaratynyna senim bildirip, tóraǵalyq kýáligin saltanatty jaǵdaıda tapsyrdy.
«Túrkistan bolashaqta barsha túrki áleminiń naǵyz ortalyǵyna aınalyp, burynǵy ataq-dańqyn qaıta ıemdenedi dep senemiz. Qazirdiń ózinde kóptegen ıgi bastamalar qolǵa alynýda. Bolashaqta osy jumystardyń barlyǵyn Janseıit Qanseıituly tyńǵylyqty atqaratynyna eshqandaı kúmánimiz joq», - dedi partııa tóraǵasynyń birinshi orynbasary.
Sondaı-aq konferentsııada partııa Saıası Keńesiniń keńeıtilgen otyrysynda Elbasy aıqyndap bergen jańa mindetterdi oryndaýdyń tıimdi tetikteri jan-jaqty talqylandy. Odan bólek, Memleket basshysy maquldaǵan jańa partııalyq jobalardy Túrkistan oblysynda tıimdi júzege asyrý barysy keńinen sóz boldy. Osy baǵytta óńirdiń aldynda turǵan basym-baǵyttarǵa nazar aýdarǵan Máýlen Áshimbaev atalǵan jumystardyń tıimdi tetikterine toqtalyp ótti.
Osy rette jıynda partııanyń Túrkistan oblystyq fılıaly Saıası keńesiniń, tekserý-baqylaý komıssııasynyń jáne Saıası keńes bıýrosynyń quramy bekitilgenin de atap ótken jón. Sonymen qatar partııa Tóraǵasynyń Birinshi orynbasary oblysqa sapary barysynda Qoja Ahmet ıAssaýı kesenesine baryp, tarıhı keshenniń barsha túrki álemi úshin mańyzy zor ekenin atap ótti.