«Nur Otan» partııasynyń Mańǵystaý oblystyq fılıalynyń tóraǵasy saılandy

AQTAÝ. QazAqparat - 21 sáýir kúni Sh.Esenov atyndaǵy Kaspıı Memlekettik ýnıversıtetinde «Nur Otan» partııasynyń Mańǵystaý oblystyq fılıalynyń XXVI kezekten tys sessııasy ótti. Onda óńir basshysy Eraly Toǵjanov atalǵan fılıaldyń tóraǵasy qyzmetine saılandy, dep habarlaıdy «QazAqparat» HAA-niń tilshisi.

Eraly Toǵjanovqa tóraǵa kýáligin tabys ete otyryp, partııa hatshysy Qanybek Jumashev onyń basshylyǵy kezinde partııa fılıaly Prezıdenttiń tapsyrmalaryn oryndaý boıynsha óziniń qyzmetin jetildiretindigin atap ótti.

Sonymen qatar «Nur Otan» partııasynyń oblystyq fılıalynyń saıası keńesi men saıası keńes bıýrosynyń quramyna ózgerister engizildi. Sońǵysynyń quramyna «Mańǵystaýmunaıgaz» AQ bas dırektory Baqyt Imanbaev kirdi.

    

«Eldiń kóptegen oblystary sý tasqynynan zardap shekti, otandastarymyz qazir qıyn jaǵdaıda otyr. Olarǵa kıim-keshek, azyq-túlik qajet. Biz ǵana olarǵa kómektese alamyz. Azamattarda bir kúndik jalaqylaryn aýdarýǵa shaqyramyn»,-dedi Mańǵystaý oblysynyń ákimi, «Nur Otan» partııasynyń Mańǵystaý oblystyq fılıalynyń tóraǵasy Eraly Toǵjanov.

Óńir basshysy sonymen qatar «Nur Otan» partııasynyń oblystyq fılıalynyń janynan ardagerler keńesin qurýdy usyndy.

Konferentsııa jumysynyń barysynda oǵan qatysýshylar Ult Kóshbasshysy, «Nur Otan» partııasynyń tóraǵasy Nursultan Nazarbaevtyń «Bolashaqqa baǵdar: rýhanı jańǵyrý» atty baǵdarlamalyq qujatyndaǵy memleket aldyna qoıǵan mindetterdiń basym baǵyttaryn sóz etti.