«Nur Otan» partııasynyń fılıaly Saıası keńes quramyn bekitti - Qostanaı
Basqosýda oblystyq partııa uıymy aktıviniń 2017-2018 jyldary atqarǵan jumystary baıan etildi. Sondaı-aq, óńirdegi tsıfrlandyrý baǵytynda qolǵa alynǵan jobalar jaıynda aıtyldy.
Oblys ákimi Arhımed Muhambetov osy jyly partııa fılıaldarynyń ókilettik merzimderiniń aıaqtalýyna baılanysty qurylymdyq bólimshelerde esep berý-saılaý kampanııalarynyń ótkenine toqtaldy. «Nur Otan» partııasy oblystyq fılıaly tóraǵasynyń birinshi orynbasary Jańabaı Bısımbaev 2 jylda atqarylǵan isterge esep berdi.
«Ótken 2 jylda tegin IT-synyptardy ashý, IT-mamandardy daıarlaý, geoaqparattyq onlaın qyzmet, «English for jastar» sııaqty jańa jobalar iske asyryldy. Mysaly, partııa jobasy aıasynda Jitiqara aýdanyndaǵy № 3 orta mektepte ashylǵan IT-synypqa birinshi kúnnen bastap 25 bala oqýǵa kelse, búginde olardyń sany 72-ge jetti. IT-mamandardy daıarlaý sheńberinde Qostanaı qalasyndaǵy joǵary polıtehnıkalyq jáne ındýstrıaldyq-pedagogıkalyq kolledjder bazalarynda eki IT-ortalyq ashyldy. Qostanaı joǵary polıtehnıkalyq kolledjinde mobıldik qosymsha, web-paraqtar, joǵary deńgeıdegi baǵdarlama tilderin qoldanatyn ınternet saıttar, aqparattyq qaýipsizdik boıynsha 3-6 aılyq qysqamerzimdi bilim berý baǵdarlamalary iske asyrylady. Bizdiń aldymyzda endi osy qarqyndy tómendetpeı, zamanaýı qurylǵylarmen jabdyqtalǵan IT-synyptaryn ashýdy jalǵastyrý maqsaty tur», - dedi J. Bısımbaev óz sózinde.
Aıta ketsek, buǵan deıin Qostanaıda IT-tehnologııa mektebi ashylatynyn habarlaǵan bolatynbyz. https://kaz.inform.kz/news/kostanayda-it-tehnologiya-mektebi-ashylmak_a3124243 Qyrkúıek aıynda Amankeldi, Denısov, Jankeldın, Sarykól, Taran, Fedorov aýdandarynda IT-synyptar paıdalanýǵa berildi. Jańabaı Bısımbaev aıtqandaı, Qostanaı ındýstrıaldyq-pedagogıkalyq kolledji bazasyndaǵy IT-kompetentsııasy ortalyǵynda 3D-modeldeý, IT-tehnologııa jáne robot tehnıkasy oqý kabınetterin satyp alýǵa 35 mln teńge bólindi.
Qostanaılyqtar «English for jastar» jobasynyń ıgiligin kórýde. Bul bastama aýyl jastarynyń aǵylshyn tilin úırenýine arnalǵan. Jobany iske asyrýǵa 11 erikti tartyldy. Onyń ishinde oblystyń úsh joǵary oqý ornynan 9 stýdent jáne Jitiqara polıtehnıkalyq kolledjinen bir oqytýshy bar, sonymen qatar aǵylshyn tilin jetik meńgergen erikti Muhammad Farýk An-sarı Pákistannan arnaıy keldi.
Konferentsııa barysynda oblystyq partııa fılıaly Saıası keńesiniń quramy bekitilip, delegattardyń qatysýymen onyń alǵashqy otyrysy ótti. Іs-shara sońynda oblys ákimi A.Muhambetov belsendi qyzmeti men eren eńbegi úshin birqatar partııa múshelerin alǵys hattarmen marapattap, jumystaryna tabys tiledi.