«Nur Otan» partııasynda bilim salasynyń basty problemasy aıtyldy

ASTANA. QazAqparat - Óńirler men qalalarda bilim berýdiń ártúrli sapasy bizdegi bilimniń eń basty problemalarynyń biri bolyp otyr. Bul týraly «Nur Otan» partııasynyń Strategııalyq zertteýler ınstıtýty dırektorynyń orynbasary ıÝlııa Kýchınskaıa málim etti, dep habarlaıdy QazAqparat tilshisi.

«Búginde bilim berý salasyndaǵy eń úlken problemaǵa toqtalsaq, onyń deńgeıi óńirlerde birdeı emes, sapa jaǵynan ártúrli bolyp tur. Eger de aýyldy jerlerde balalardy oqytý men qaladaǵy bilim berý deńgeıinde aıyrmashylyq qalyptassa, onda básekege qabiletti ult týraly aıtý qıyn bolady», - dedi ıÝ. Kýchınskaıa «Nur Otan» partııasynyń kezekti XVIII sezi qarsańynda bilim salasyna arnalǵan paneldik sessııa kezinde tilshiler saýalyna jaýap bere otyryp.

Onyń paıymynsha, atalǵan problemany sheshý baǵytynda tsıfrlyq tehnologııalardyń úlesin arttyrý kerek.

«Álemdik tájirıbege súıensek, kadr jetispeýshiligi baıqalsa jáne bilim alatyn nysandar alysta ornalassa, onda tek tsıfrlyq tehnologııa jáne onlaın bilim berý, sondaı-aq qashyqtyqtan oqytý esebinen adamdardyń múmkindikterin arttyrýǵa bolady. Osy oraıda sapaly bilim alǵysy keletinderge qolaıly jaǵdaı jasaýǵa nazar aýdarǵan jón», - dedi ıÝ. Kýchınskaıa.

Aıta keteıik, paneldik sessııaǵa ortalyq memlekettik organdardyń ókilderi, Parlament depýtattary, óńirlerden shaqyrtylǵan mamandar keldi.