«Nur Otan» partııasy áleýmettik jelide taraǵan sýretke qatysty túsinikteme berdi
15:23, 13 Aqpan 2018
ASTANA. QazAqparat - «Nur Otan» partııasynyń ókilderi áleýmettik jelide taraǵan ustazdardyń partııa qataryna ótýge májbúrlengeni týraly aqparattyń shyndyqqa sáıkes kelmetinin jazdy. Bul týraly partııanyń feısbýk áleýmettik jelisindegi paraqshasynda jarııalandy.
«Áleýmettik jelide «ustazdardyń «Nur Otan» partııasy músheligine ótýge mindettelgeni» týraly aqparat taraýda. Osyǵan oraı, «Nur Otan» partııasy resmı túrde, bul aqparattyń shyndyqqa sáıkes kelmeıtini málimdeıdi. Partııaǵa ótý ár azamattyń óz qalaýy men erki bolyp tabylady. Eger partııaǵa ótýdi mindettegen derekter týraly biletinder bolsa, ol týraly jasyryn jaǵdaıdaǵy quqyq negizinde 8 -7172-707-706 telefonyna habarlasýyn nemese press@nurotan.kz poshtasyna jazyp jiberýlerin ótinemiz»,-delingen habarlamada.