Nur Otan-nyń astanalyq fılıaly prezıdenttik saılaýǵa qoldaý bildirdi

NUR-SULTAN. QazAqparat - Búgin Nur Otan partııasynyń Nur-Sultan qalalyq fılıalynyń XXIX kezekten tys konferentsııasy ótti, dep habarlaıdy QazAqparat tilshisi.

«Nur Otan partııasy kezekten tys prezıdenttik saılaýdy ótkizý bastamasyn tolyǵymen qoldaıdy. Aǵymdaǵy jyly 10 sáýirde partııa tóraǵasy Nursultan Ábishuly Nazarbaev Nur Otan partııasynyń kezekten tys XIX sezin ótkizý týraly qaýlyǵa qol qoıǵan bolatyn. Sezd 23 sáýirde ótedi. Nur Otan kóshbasshy partııa retinde saılaýǵa belsendi túrde qatysatyn bolady», - deıdi fılıal tóraǵasynyń orynbasary Baqyt Saparov.

Konferentsııa barysynda delegattar Elbasy Nursultan Nazarbaevtyń partııanyń XVIII sezinde bergen tapsyrmalaryn oryndaý máselelerin de talqylady. Atap aıtqanda, «Baqytty otbasy», «Qutty meken» jáne «Halyqqa kómek» jobalary qaraldy. Máselen, «Halyqqa kómek» qazirdiń ózinde halyqpen keri baılanys júıesin qalyptastyrýdyń tıimdi quralyna aınaldy.

Konferentsııa qatysýshylary Nur Otan partııasynyń kezekten tys XIX seziniń jumysyna qatysatyn delegattardy anyqtady.