Nur Otan memlekettik tildiń qoldaný aıasyn keńeıtedi
Jańa jyl merekesi kúnderi qalalyq máslıhat depýtatyna kandıdat Gúlden Imanǵalıeva men Kırıl Osın 1986 jylǵy jeltoqsan oqıǵasyna qatysýshy Gúljamal Orynbaevanyń úıine bardy.
Esterińizge sala keteıik, Gúljamal Orynqyzy 1984-1988 jyldary Almatydaǵy Qazaq qyzdar pedagogıkalyq ınstıtýtynda oqyǵan. Jeltoqsannyń qatal kúnderinde ol kóptegen stýdentpen birge óz pikirin bildirý úshin alańǵa shyqty.
Búginde Gúljamal Orynbaeva 30 jyldan astam úzdiksiz eńbek ótili bar pedagog. Osy jyldar ishinde ol Aqtaý men oblystaǵy olımpıadalar men shyǵarmashylyq konkýrstardyń kóptegen júldegerlerin tárbıeledi. Aldyna kelgen oqýshyny bilim nárimen sýsyndatyp, tálim-tárbıesin berdi. Kezdesý barysynda ustaz stýdenttik jyldary men yzǵarly jeltoqsannyń sol bir aýyr oqıǵasyn baıandap, búgingi beıbit zamannyń qadirin tilge tıek etti. Partııa memlekettik tildiń mártebesin kóterýge jáne Qazaqstan halyqtarynyń ulttyq salt-dástúrlerin qurmetteýge zor kóńil bólse eken degen amanatyn jetkizdi.
Shtab músheleri «Nur Otan» partııasynyń qazirgi qoǵamnyń biregeıligin aıqyndaıtyn mádenı jáne rýhanı qundylyqtardy saqtaýdy jáne kóbeıtýdi qoldaıtynyn atap ótti.
Aqtaýda 20-dan astam ult ókili turady. Barlyq etnomádenı birlestikter Qazaqstan halqy Assambleıasynyń jańa, ádemi ǵımaratynda ornalasqan.
«Biz Elbasynyń «Bolashaqqa baǵdar: rýhanı jańǵyrý» jáne «Uly dalanyń jeti qyry» baǵdarlamalyq maqalalaryn júzege asyrý jumysyn jalǵastyramyz«, - dep atap ótti shtab músheleri.
Beıbitshilik pen kelisimdi saqtaý úshin partııa 2025 jylǵa deıin kóptegen mindet qoıdy. Onyń ishinde memlekettik tildi dáripteý, qoldaný aıasyn keńeıtý, Qazaqstan halqynyń tilderin damytýǵa járdemdesý. Jyl saıyn Aqtaýda 100 mádenı shara ótkiziledi. 2023 jyly 19-ǵa jýyq aýdanda teatr, kitaphana jáne murajaı qurylysy aıaqtalady.
«Nur Otan» partııasy Mańǵystaý oblysy Aqtaý qalasynyń Saılaý qorynyń qarajatynan tólendi