Nur Otan»: Hromtaýda 120 kóppáterli turǵyn úı salynady
QR Parlamenti Májilisiniń jáne Aqtóbe oblystyq máslıhat depýtatyǵyna úmitkerler Rahat Sydyqov, Ǵalymjan Eleýov, Amangeldi Esirkepov, Qaırat Qoılybaev, Taqtalıfým Esenǵulov, Qaırat Sabyr aldymen Hromtaý aýdanynyń Aqjar aýylyndaǵy turǵyndarmen kezdesti.
Saılaýshylar aýyldy kórkeıtý, kópbalaly analardy qoldaý jáne az qamtylǵan otbasylardy turǵyn úımen qamtý jaıyn surady. Bul baǵyttaǵy jumys partııanyń saılaýaldy baǵdarlamasynda qamtylǵan. 2022 jyly aýdanda halyqtyń áleýmettik osal toptary úshin 120 páterlik turǵyn úı salynady. Nátıjesinde 480 adam baspanaly bolady. Hromtaý qalasynda jyl saıyn 6 kópqabatty turǵyn úıge kúrdeli jóndeý júrgiziledi. Sonymen birge úmitkerler Aqjar maı ekstraktsııalaý zaýyty jáne «Taý» aýyl sharýashylyǵy kesheniniń ujymymen kezdesti.
«Aldaǵy bes jylda 16 mektep salynyp, 125 mektepke deıingi uıym kúrdeli jóndeýden ótedi. Barlyq eldimeken túgel aýyz sýmen qamtylady. Biz senimdi aqtaımyz, kez kelgen maqsatqa birge jetemiz», - dedi «Nur Otan» partııasynyń Aqtóbe oblystyq saılaýaldy shtab basshysy Erbol Danaǵulov.
Eńbek ujymymen ótken kezdesýden keıin úmitkerler Hromtaý aýdandyq aýrýhanasyna bardy.
«2020 jyl elimiz úshin óte aýyr jyl boldy. Dúnıejúzin jaılaǵan pandemııa kezinde medıtsına qyzmetkerleriniń eńbegi ústem boldy. Biz sizderge erekshe alǵysymyzdy bildiremiz. «Nur Otan» partııasy árqashan sizdermen birge»,- dedi úmitker Ǵalymjan Eleýov.
Dál osyndaı keleli kezdesý Hromtaý joǵary kolledjiniń ustazdarymen ótti. Úkitkerler hromtaýlyqtardy keler jyly 10-qańtar kúni saılaýǵa qatysyp, óz tańdaýyn jasaýǵa shaqyrdy.
Keıin saılaýaldy shtab músheleri Áıteke b
«Óńirde ınvestıtsııa tartý, jańa tehnologııalardy engizý, óndiristi qazirgi zamanǵy jabdyqtarmen jáne joǵary ónimdi tehnıkamen jabdyqtaý esebinen agroónerkásiptik keshendi damytý baǵytyndaǵy jumys jalǵasady. Áıteke bı aýdanynda úsh ınvestıtsııalyq joba iske asyrylady. 2021 jyly Aqtasty aýylynda sút óńdeıtin ferma ashylyp, 2022 jyly Qarabutaq aýylynda bordaqylaý alańy, 2023 jyly sút óńdeıtin tseh salynady. Sóıtip jyl saıyn jergilikti bıýdjet esebinen oblystyń 120 aýyl sharýashylyǵy kásiporny men sharýa qojalyǵyna qosymsha sýbsıdııa beriledi», - dedi shtab basshysy Erbol Danaǵulov.
Al QR Parlamenti Májilisiniń depýtattyǵyna úmitker Rahat Sydyqov, oblystyq máslıhat depýtattyǵyna úmitkerler Amangeldi Esirkepov, Qaırat Qoılybaev, Qaırat Sabyr Qarabutaq aýyldyq okrýginiń kitaphana qyzmetkerlerine saılaýaldy baǵdarlamanyń tarıh pen mádenıetti damytý baǵytyn túsindirdi.
«Halyqtyń birligi men qoǵamdyq kelisim - bul Qazaqstannyń tabysty damýynyń senimdi negizi. Búgingi tańda aýdanda 20-dan astam ult ókili turady. Olar birlikti, konfessııaaralyq jáne etnosaralyq kelisimdi nyǵaıtýǵa eleýli úles qosyp júr. Partııa qasıetti jáne kórnekti jerlerge ólketaný ekspedıtsııasyn jalǵastyryp, 2021 jyly Ábilqaıyr han kesenesin qorshap, abattandyrady», - dedi úmitker Taqtalıfým Esenǵulov.
«Nur Otan» partııasynyń oblystyq saılaýaldy shtaby basshysy Erbol Danaǵulov bastaǵan úmitkerler Áıteke bı aýdanynyń ortalyǵy T.Júrgenov aýylyna da baryp, temirjolshylarymen, «Tselınnık» mádenıet úıinde turǵyndarymen, jastarmen jáne kásipkerlermen kezdesip, saýaldaryna jaýap berdi
«Áıteke bı aýdanynda aýyl sharýashylyǵymen qatar óndiris damyp keledi. Úshqatty aýylynda kaolın sýly baıytý fabrıkasy salynyp, Jabasaq aýylynda «Jaltyrkól» ken orny, Sulýkól aýylynda Benkala jáne Ońtústik Benkala ken orny ıgeriledi. Jospar boıynsha jyl saıyn 800 adam jumysqa ornalastyrylady. «Nur Otan» partııasy shaǵyn jáne orta bıznesti odan ári damytý mindetin alǵa qoıyp otyr. «Bıznestiń jol kartasy – 2025» baǵdarlamasy aıasynda jyl saıyn 4 jańa jobaǵa qarjylaı qoldaý kórsetiledi. «Eńbek» baǵdarlamasy boıynsha 28 grant, «Qarapaıym zattar ekonomıkasy» baǵdarlamasymen 7 jobaǵa jeńildetilgen nesıe beriledi. Ári jyl saıyn 25 adam kásipkerlik negizderin oqıdy», - dedi úmitker Rahat Sydyqov.
Áıteke bı aýdanynyń turǵyndary baspana, jumyspen qamtý, sý men gaz tartý, jol salý jumystarynyń oryndalý retin surady. Partııanyń saılaýaldy baǵdarlamasynda ár azamattyń ótinish-tilegi eskerilgen, oblys, aýdanmen qatar, shalǵaı eldimekendegi jumystar dál de naqty kórsetilgen.
«Nur Otan» partııasynyń basty maqsaty - halyqtyń ómir súrý sapasy men ál-aýqatyn jaqsartý. Áleýmettik-ekonomıkalyq damý joly aıqyndalǵan, bilim men medıtsına sapasy artqan jaıly aımaqtyń turaqtylyǵyn birge saqtap qalamyz. Partııaǵa daýys berip, el erteńi úshin jumyla jumys isteýge shaqyramyn», - dedi oblystyq saılaýaldy shtab basshysy Erbol Danaǵulov.
Qıyndyqty eńserip, jeńiske birge jetemiz.
«Nur Otan» partııasy Aqtóbe oblysynyń Saılaý qorynyń qarajatynan tólendi.