«Nur Otan»-ǵa daýys bergenderdiń úmitin aqtaýymyz kerek – Samat Mýsabaev
«Jaýapkershilik basymyraq der edim. Bir aımaqtyń atynan, sondaǵy halyqtyń amanatyn arqalaý úlken mindet, zor jaýapkershilik. Sondyqtan qýanyshtan kóri, bul mandattyń salmaǵy meni oılandyrady. Árıne, osy depýtattyqqa barmas buryn da kóp oılandym. Endigi jerde eldiń, bizge senip «Nur Otan» partııasyna daýys bergen saılaýshylardyń úmitin aqtaýymyz kerek. Osy baǵytta shamamyz kelgenshe qyzmet etemiz», - dedi S. Mýsabaev.
«Men ózim kásipker bolǵandyqtan, burynnan aıtyp júrgen ustanymym - memleket pen bıznestiń birigýine yqpal etý. Odan bólek rýhanııat, qazaq tiliniń mártebesin kóterýge jumys isteımin. Árıne, budan da basqa eldegi, ózim saılanǵan Mańǵystaý oblysyndaǵy qordalanyp qalǵan áleýmettik-ekonomıkalyq baǵyttaǵy máselelerdi kezek-kezegimen kóterip, sheshilýine kúsh salamyn», - dep atap ótti ol.