«Nur Otan» eldiń munaı-gaz salasynyń básekege qabilettiligin arttyrýdy kózdep otyr
«Ekonomıkalyq qaıta ózgertý baǵyttary» atty tarmaqta «Nur Otan» partııasy aldaǵy 5 jylda ındýstrıaldyq damýdyń negizgi basymdyǵy anaǵurlym perspektıvalyq tórt baǵytqa aýdarylatynyn kórsetken.
«Biz elimizdiń taý-ken metallýrgııa keshenin damytýda basymdyqtardy aýystyramyz. Bul - 4 jáne 5 qaıta bólinistegi tústi, sırek kezdesetin metaldar men mıneraldy shıkizatty keshendi qaıta óńdeýge kóshý. Bul qadam 2021 jylǵa qaraı tústi metallýrgııa eksportyn 20 paıyzǵa ósirýge múmkindik beredi. Ekinshiden, biz geologııalyq barlaý jumystaryn belsendi júrgizý, munaı men munaı ónimderi naryǵyn yryqtandyrý, tasymaldaý baǵytyn ártaraptandyrý arqyly munaı-gaz sektorynyń básekege qabilettiligin arttyramyz», - delingen baǵdarlamada.
Partııa, sonymen qatar, úshinshi baǵyt boıynsha, ekonomıkanyń elektr energetıka sektoryna ınvestıtsııalar aǵynyn qamtamasyz etpek. Bul úshin 2019 jyly «KEGOC» AQ-nyń Eseptik-qarjy ortalyǵy negizinde Qýatty jáne jańartylatyn energııa kózderin biryńǵaı satyp alýshy modelin engizip, óńirlik elektr jelilik kompanııalardyń sany qysqartylady jáne energııamen jabdyqtaýshy uıymdar irilendiriledi.
"Agrarlyq sektor Qazaqstannyń bolashaq ekonomıkalyq ósýiniń basty draıverleriniń birine aınalady. Negizgi ekpin aýyl sharýashylyǵyna arnalǵan ınfraqurylymdy jáne agrarlyq ǵylymdy damytýǵa, jańa texnologııalardy engizýge túsiriledi. Aýyl sharýashylyǵyndaǵy ónimdilik 3x2021 jylǵa qaraı 1,5 ese ósedi", - delingen partııanyń saılaýaldy tuǵyrnamasynda.
Onda atap kórsetilgenindeı, aýyl sharýashylyǵyn tórtinshi baǵyt retinde memlekettik sýbsıdııalar naqty ónim óndirýge baǵyttalatyn bolady.
"Sertıfıkattaýdyń xalyqaralyq standarttaryn engizý arqyly biz eksporttyq aýyl sharýashylyǵy ónimderin Qytaı, Túrkııa jáne Shveıtsarııa naryqtaryna shyǵaramyz. Biz ishki naryqty otandyq tamaq óndirisi ónimderin toltyrý úshin jaǵdaı jasaıtyn bolamyz. Aldaǵy 5 jylda biz qus eti ımportynyń úlesin 55%-dan 40%-ǵa deıin, sút ımportynyń úlesin 28%dan 25%-ǵa deıin qysqarta alamyz jáne solaı jasaýǵa tıispiz", - dep jazady "Nur Otan".