«Nur Otan» Elbasynyń múmkindigi shekteýli adamdardyń ómir sapasyn arttyrý tapsyrmasynyń oryndalý qorytyndysyn jarııalaıdy
«Nur Otan» partııasy óziniń «Kedergisiz keleshek» jobasynyń aıasynda QR Parlamenti Májilisi men máslıhattardyń depýtattary, memlekettik organdar men salalyq ÚEU ókilderimen birlesip ınklıýzıvti bilim berýge jaǵdaı jasalǵan áleýmettik ınfraqurylymdar men mektepterge respýblıkalyq deńgeıde monıtorıng júrgizýge kiristi. Barlyq óńirlerdi qamtıtyn zerttep zerdeleý nátıjesi aǵymdaǵy jyldyń jeltoqsanynda qorytyndylanady, dep habarlady partııanyń baspasóz qyzmetinen.
Búgin 13 qazanda Astanada múgedekterge qoljetimdiligi boıynsha temirjol men avtovokzaldarǵa, sondaı-aq №65 orta mektepke monıtorıng júrgizildi.
«Nur Otan» fraktsııasynyń QR Parlamenti Májilisindegi ókili, partııanyń partııalyq baqylaý komıtetiniń múshesi Irına Aronova atap ótkendeı, qazirgi tańda jergilikti atqarýshy organdardyń deregi boıynsha 700-ge jýyq nysan beıimdeý úrdisinen, onyń ishinde Astana qalasynda búginge deıin 30 nysan tıisti beıimdeýden ótken. Munyń ózinde qajettilikke beıimdelgen nysandar jónindegi aqparatta ol oryndardyń múgedek jandardyń barlyq sanattary úshin qoljetimdi ekeni aıtylǵan.
Tıimdi monıtorıng júrgizý úshin qajettilikke beıimdelgen nysandardyń qoljetimdiligi boıynsha arnaıy baǵalaý paraǵy jáne ınklıýzıvti bilim berý praktıkasy bar mektepterdiń múmkindigi shekteýli balalardy ortaq oqý úrdisine ilestirýi boıynsha saýalnama ázirlendi.
Partııalyq monıtorıngterdiń qorytyndysy boıynsha Úkimet pen jergilikti atqarýshy organdarǵa anyqtalǵan olqylyqtardy joıýǵa qatysty usynymdar beriletin bolady.