Nur Otan-da turǵyndardyń mınıstrlermen onlaın kezdesýi jalǵasady

NUR-SULTAN. QazAqparat - Karantındik shekteýlerdi eskere otyryp, mınıstrlikter men vedomstvolardyń basshylary azamattardyń jeke qabyldaýlaryn onlaın formatta ótkizedi, dep habarlaıdy QazAqparat.

Sonymen, 2 sáýirde azamattardy qabyldaýdy Syrtqy ister mınıstriniń birinshi orynbasary Shahrat Nuryshev bastaıdy. 7 sáýirde - Eńbek jáne halyqty áleýmettik qorǵaý birinshi vıtse-mınıstri Akmadı Sarbasov, 8 sáýirde - Bas prokýrordyń orynbasary Erlik Kenenbaev, 9 sáýirde - Aqparat jáne qoǵamdyq damý mınıstri Aıda Balaeva, 13 sáýirde - Qarjy mınıstri Erulan Jamaýbaev, 14 sáýirde - Aýyl sharýashylyǵy birinshi vıtse-mınıstri Aıdarbek Saparov, 16 sáýirde - Ádilet vıtse-mınıstri Azamat Ámirǵalıev, 21 sáýirde - Bilim jáne ǵylym vıtse-mınıstri Sholpan Karınova, 23 sáýirde - Densaýlyq saqtaý mınıstri Alekseı Tsoı, 28 sáýirde - Іshki ister mınıstriniń orynbasary Arystanǵanı Zapparov jáne 30 sáýirde - Indýstrııa jáne ınfraqurylymdyq damý birinshi vıtse-mınıstri Qaıyrbek Óskenbaev azamattardy qabyldaıdy.

Kezdesýge jazylý úshin:

1. Call-ortalyq: 8 800 080 4441 (Qazaqstan boıynsha qońyraý shalý tegin);

2. WhatsApp: [phone];

3. [e-mail]

Aıta ketý kerek, ótken jyly «Nur Otan» partııasyna búkil el boıynsha 393,2 myńnan astam ótinish túsken. Sonymen qatar, sońǵy 5 jyl ishinde saıası uıymǵa 1,2 mıllıon adam júgindi, onyń ishinde 423 myńnan astamy - onlaın formatta. Onyń 92% oń sheshimin tapty, aqysyz konsýltatsııalar, zańdyq jáne basqa da kómek kórsetildi.

Taldaý kórsetkendeı, halyqty negizinen áleýmettik qamsyzdandyrý - 30%, TKSh - 16%, turǵyn úı - 15%, eńbek daýlary - 14%, qurylys - 9%, bilim berý - 9%, medıtsınalyq qyzmet - 7% máseleleri alańdatady.

Partııanyń baspasóz qyzmeti habarlaǵandaı, «Halyqqa kómek» jobasy aıasynda Respýblıkalyq qoǵamdyq qabyldaý bólmesinde zańgerlermen, advokattarmen, medıatorlarmen jáne notarıýstarmen aqysyz konsýltatıvti onlaın kezdesýler uıymdastyryldy. Oǵan tómende kórsetilgen telefon nómirleri arqyly jazylýǵa bolady.

Zańgerler - dúısenbi saǵat 10.00-den 13.00-ge deıin.

Advokattar - seısenbi jáne beısenbi saǵat 10.00-den 13.00-ge deıin.

Medıatorlar - sársenbi jáne juma kúnderi saǵat 10.00-den 13.00-ge deıin.

Notarıýstar - juma kúni saǵat 15.00-den 17.00-ge deıin.