Nur Otan: BQO-dan Májilis saılaýyna 3 úmitker qatysady
Konferentsııaǵa qatysqan oblys ákimi, fılıal tóraǵasy Ǵalı Esqalıevtiń atap ótkenindeı, Elbasynyń bastamasymen táýelsiz el tarıhynda bıyl alǵash ret jalpyulttyq deńgeıde ótken praımerızge batysqazaqstandyqtar da belsendi qatysty.
Osy oraıda jastar men áıelderdiń belsendiligi erekshe boldy. BQO boıynsha praımerızde 460 kandıdat tirkelip, sonyń 421-i dodaǵa qatysty. Sonyń ishinde 155-i nemese 36,8 paıyzy – áıelder, 144-i nemese 34,2 paıyzy 35 jasqa deıingi jastar boldy.
Tórt kúnge sozylǵan daýys berýde óńirde 22903 partııa múshesi nemese 85 paıyzy óz tańdaýyn jasady. Osy aralyqta oblys turǵyndarynan 1205 usynys túsip, sonyń 77 paıyzy partııanyń oblys, qala jáne aýdandyq fılıaldarynyń saılaýaldy baǵdarlamasyna engizildi.
Oblystyq konferentsııa barysynda QR Parlamenti Májilisine kandıdattarǵa daýys berý úshin debat ótkizildi. Debat aıaqtalysymen delegattar daýys berý kabınalaryna baryp, Májiliske partııalyq tizimge qatysýshy kandıdattarǵa daýys berdi.
«Nur Otan» partııasy oblystyq fılıaly tóraǵasynyń birinshi orynbasary Murat Muqaev konferentsııanyń barlyq delegattary daýys berýge qatysqandyǵyn málimdep, aqparattyq júıe arqyly daýys berýdiń qorytyndysymen tanystyrdy.
Daýys berý nátıjesinde eń kóp daýys jınaǵan úsh kandıdat konferentsııa sheshimimen QR Parlamenti Májilisiniń óńirlik kvotasyna sáıkes partııalyq tizimge engizý úshin sezge usynyldy.
Konferentsııa depýtattarynyń daýys berýi qorytyndysymen 120 daýys jınaǵan Málik Qulshar, 116 daýyspen Jańabek Jaqsyǵalıev, 109 daýyspen Sábıra Súndetova úzdik úshtikke ilikti.
Sondaı-aq konferentsııa barysynda «Nur Otan» partııasynan Batys Qazaqstan oblystyq máslıhatynyń depýtattaryn saılaý boıynsha partııalyq tizim bekitildi.
Partııalyq tizimge engizilgen 47 adamnan turatyn tizimdi konferentsııa delegattary biraýyzdan qoldady.
Budan keıin 25 qarashada ótetin «Nur Otan» partııasynyń kezekten tys HH sezine óńirden qatysatyn 20 delegattyń tizimi anyqtaldy.
Sonymen qatar «Nur Otan» partııasy BQO fılıaly saıası keńesiniń jańa quramy saılandy. QR Parlamenti Májilisi men barlyq deńgeıdegi máslıhattar saılaýynda partııanyń úgit jumystaryn uıymdastyrý boıynsha oblystyq, qalalyq, aýdandyq saılaýaldy shtab quramy jasaqtaldy.
«Nur Otan» partııasy BQO fılıalynyń tóraǵasy Ǵalı Esqalıevtiń uıǵarymymen oblystyq saılaýaldy shtabynyń basshysy retinde fılıal tóraǵasynyń birinshi orynbasary Murat Muqaev bekitildi.
Eske sala keteıik, budan buryn Oralda praımerızdiń ekinshi kezeńine «Nur Otan» partııasynan úmitkerler iriktelgenin jazǵan edik.