Nur Otan astanalyq «Qazaqaýyl» yqshamaýdany turǵyndaryna gaz tartý máselesinde kómek berdi
Ótinishterdiń 96%-i boıynsha oń sheshimge qol jetkizilip, konsýltatıvtik, quqyqtyq jáne basqa da kómek kórsetildi. Qalǵan 4%-i oryndalýda.
Partııanyń baspasóz qyzmetiniń aqparaty boıynsha, sońǵy 2 jylda jarty mıllıonnnan astam ótinish qabyldanǵan, olardyń 74%-i Internet arqyly túsken.
Ótken jyldyń sońynda onlaın-rejımde ótken qabyldaýlardyń birinde «Nur Otan» partııasy Tóraǵasynyń birinshi orynbasary Baýyrjan Baıbek Aqtóbe oblysynyń 24 jastaǵy turǵyny Aıbek Qosmaǵambetovtiń ótinishin qarady. Qobda aýdanynyń Taldysaı aýylynyń turǵyny sol kezde eldi mekende joldyń joqtyǵyn aıtyp, shaǵymdanǵan bolatyn.
Baýyrjan Baıbek óz kezeginde Aıbek Qosmaǵambetovke depýtattar taıaý ýaqytta ótetin sessııada eldi mekendegi joldy jóndeýge qarajat bólý máselesin qaraıtynyn aıtqan edi.
«Nur Otan»-nyń oblystyq fraktsııasynyń depýtattary ótinishti qaraǵannan keıin bıyl aýyldaǵy jalpy uzyndyǵy 2,6 km bolatyn eki jolǵa ortasha jóndeý júrgizilgen. Á.Moldaǵulova atyndaǵy kósheni jóndeýge oblystyq bıýdjetten 65,5 mln teńge, al Abat Baıtaq kóshesine – 140,2 mln teńge bólingen. Búginde asfalt tóseý jáne júrginshiler joldaryn jaılastyrý jumystary atqarylýda.
Sonymen qatar, azamattardyń qoǵamdyq qabyldaý barysynda kótergen ótinishteriniń oń sheshimin tapqandary da barshylyq.
Máselen, «Nur Otan»-nyń elordalyq fılıalyna «Qazaqaýyl» yqshamaýdanynyń turǵyny gazdandyrý máselesin sheshý týraly ótinishpen habarlasqan. Óıtkeni áýel basta osy aýyldyń 150 úıi gaz jelisin tartý jobasyna kirmeı qalǵan eken. Elordany jáne el óńirlerin gazdandyrýdyń aýqymdy jobasyna Elbasy, Tuńǵysh Prezıdent Nursultan Nazarbaevtyń ózi bastamashy bolǵanyn eskere otyryp, Partııalyq baqylaý komıssııasy Nur-Sultan qalasynyń Otyn-energetıkalyq kesheni jáne kommýnaldyq sharýashylyq basqarmasynyń basshysy Tólegen Qulushevpen turǵyndardyń kezdesýin dereý uıymdastyrdy. Kezdesý qorytyndysy boıynsha jergilikti basqarý organdarynyń ókilderi turǵyndardy «Qazaqaýyl» yqshamaýdanyn gazben qamtý jelisin tartý úshin jobalyq-smetalyq qujattama ázirnelenetinin, al jumys bıylǵy tórtinshi toqsanda bastalatynyn aıtyp sendirdi.
Batys Qazaqstan oblysynda nurotandyqtar Oral qalasynan 140 km qashyqtyqta ornalasqan Syrym aýdanynyń Jympıty aýyly turǵyndarynyń kólik máselesin sheshýge kómektesti. Osyǵan oraı partııalyqtardyń aralasýymen Jympıty – Oral baǵytynda turaqty avtobýs qatynaı bastady. Bul rette múmkindigi shekteýli, turmysy tómen otbasylardyń balalary úshin jol júrý aqysy tegin boldy.
Mańǵystaý oblysynyń Jańaózen qalasyndaǵy úılerdiń biriniń turǵyndary jarty ǵasyrdan beri tabıǵı gaz tartýdy surap keledi. Ǵımarat sonaý 1965 jyly jatahqana retinde paıdalanýǵa berilgen, al 90-jyldary turǵyndar páterlerin jekeshelendirip alǵan. Joǵarydaǵy máselesin sheshý úshin turǵyndar «Nur Otan» partııasynyń jergilikti fılıalyna júgindi. Nátıjesinde qalalyq bıýdjetten qarajat bólinip, tıisti jumys júrgizildi. Sonyń arqasynda barlyq páterge gaz tartyldy.
«Nur Otan» partııasynyń Respýblıkalyq qoǵamdyq qabyldaý bólmesine kelesi baılanystardyń biri arqyly júgine alasyz:
- Call-tsentr: 8 800 080 4441 (Qazaqstan boıynsha qońyraý shalý tegin);
- WhatsApp: 8 700 800 4441
- E-mail: komek@nurotan.kz.
- Otbasy, áıelder men balalar máseleleri, sondaı-aq otbasylyq-turmystyq zorlyq-zombylyqqa qarsy áreket boıynsha «111 Jedel qyzmeti».