«Nur Otan»: Aqtóbede jyl saıyn 8 myń jas jumysqa ornalastyrylady

AQTÓBE. QazAqparat – Aqtóbe oblysynda jyl saıyn 8 myń jas jumysqa ornalastyrylady. «Jasyl el» jasaǵynda 1,5 myń jas eńbek etedi. Bul týraly «Nur Otan» partııasy atynan oblystyq máslıhat depýtattyǵyna úmitkerler Aıgúl Dúısenova men Asqar Qystaýbaev «Dına» sýpermarketiniń qyzmetkerlerimen kezdesýde aıtty.

«Nur Otan» partııasynyń oblystyq saılaýaldy baǵdarlamasyndaǵy basym baǵyttyń biri - jastardy jumyspen qamtý. «Dına» sýpermarketiniń qyzmetkerlerimen kezdesý kezinde úmitker Aıgúl Dúısenova kásip ashý, joǵary jáne arnaýly orta oqý oryndary túlekterin jumysqa ornalastyrý basymdyǵymen bólisti.

«Óńir boıynsha jyl saıyn 20-dan astam jasqa oblys ákiminiń granty beriledi. Bul jastardy eńbekke aralastyryp, shaǵyn jáne orta bıznesti damytýǵa baǵyttalǵan jumys. Іri óndiris oryndary men oqý oryndary arasynda kelisim jasalyp, túlekterdiń kedergisiz jumysqa ornalasýyna jaǵdaı jasalady. Partııanyń saılaýaldy baǵdarlamasynda munan ózge de áleýmettik máselelerdiń sheshimi naqty kórsetilgen. Aqtóbelikterdi árbir azamat úshin ashyq «Nur Otan» partııasyna daýys berýge shaqyramyn», - dedi úmitker Aıgúl Dúısenova.

Aqtóbelik turǵyn Rabıǵa Saqtaǵanova partııanyń jastarǵa baǵyttalǵan basymdyǵy úmit syılaǵanyn, turǵyn úımen qamtý, jańa jumys oryndaryn ashýǵa ýáde bergen Nur Otan-ǵa daýys beretinin aıtty.

Qıyndyqty eńserip, jeńiske birge jetemiz!

«Nur Otan» partııasy Aqtóbe oblysynyń Saılaý qorynyń qarajatynan tólendi.