Nur Otan: Aqtóbede aldaǵy bes jylda 214 shaqyrym elektr jelisi tartylady

AQTÓBE. QazAqparat – Aqtóbe oblysynda aldaǵy bes jylda 23 myń jer telimi beriledi. Olarǵa ınjenerlik jeli tartý jumysy kezeń-kezeńimen atqarylady. Bul týraly «Nur Otan» partııasy atynan oblystyq máslıhat depýtattyǵyna úmitkerler Amangeldi Esirkepov, Asqar Qystaýbaev, Sergeı Vıshnıak energetıktermen kezdesýde aıtty, dep habarlaıdy QazAqparat tilshisi.

«Nur Otan» partııasy azamattardyń ómir súrý sapasyn arttyrý, taza sý, sapaly ınfraqurylymǵa qol jetkizýdi qoldaıdy. Jol jáne kólik ınfraqurylymyn, turǵyn úı-kommýnaldyq sharýashylyǵyn jańǵyrtý jobalaryn iske asyrýǵa úles qosady. «Energosıstema» JShS-nyń jumysshylarymen kezdesken oblystyq máslıhat depýtattyǵyna úmitkerler oblys turǵyndaryn gaz, sý, elektr jelisimen qamtamasyz etý josparyn aıtty.

«2021-2025 jyldary jeke turǵyn úı qurylysy úshin 23 myń jer telimi beriledi. Oblys halqy 100 paıyz sapaly aýyz sýmen qamtylady. Sonymen birge 104 aýylǵa gaz beriledi. Aqtóbe qalasy boıynsha 214 shaqyrym elektr jelisi tartylady. Olardyń qatarynda Qýraıly, Qurshasaı, Aqjar plıýs, Shyǵys-1 turǵyn úı alaptary sekildi 20-dan astam eldimeken bar. Jańa turǵyn úı alaptary boı kóteredi. Sóıtip aldaǵy bes jylda 20 myń turǵyn sapaly ınjenerlik jelini tutynady», - dedi úmitker Amangeldi Esirkepov.

Úmitker Asqar Qystaýbaev energetıkterdi el bolashaǵy men birligi úshin tańdaý jasap, «Nur Otan» partııasyna daýys berýge shaqyrdy.

«Nur Otan» partııasy Aqtóbe oblysynyń Saılaý qorynyń qarajatynan tólendi.