«Nur Otan»: Aqtóbede 9 turmystyq qatty qaldyqtar polıgony salynady
«Nur Otan» partııasy atynan oblystyq máslıhat depýttattyǵyna úmitker, «Aktobe, dyshı» eriktiler tobynyń jetekshisi Evgenıı Lazarchýk óńirdegi ekologııalyq máselelerdi ótkir aıtyp, sý qoryn saqtaý, kógaldandyrý jumysyna belsendi qatysyp júr. Eriktiler toby bulaq kózin ashyp, qala kóshelerine aǵash otyrǵyzdy. Aǵash kesý jumysynyń erejesin túsindirip, otyrǵyzylǵan kóshetti sýarý jumysynyń tıimdiligin kórsetti.
Aqtóbelikterge jaqsy tanys úmitker Evgenıı Lazarchýk búgin «Mega shyǵys» saýda úıinde saılaýaldy baǵdarlamany túsindirdi.
«Ekologııa adam densaýlyǵyna tikeleı áser etedi. Sońǵy kezderi adamdar arasynda maýsymdyq allergııa kóbeıip, onkologııalyq aýrý túri artty. Balalardyń týa bitti aýrýy tirkelip jatyr. Sondyqtan biz osy máseleni sheshý jolynda úles qosyp júrmiz. Bul tek Aqtóbe óńiriniń emes, elimizde ózektiligi eselengen máselege aınalǵanyn bári biledi. Sonymen birge qýańshylyq, qum kóshkinin toqtatý. Munyń bári baǵdarlamada bar», - dedi Evgenıı Lazarchýk.
«Nur Otan» partııasynyń maqsaty - atmosferany lastaýshy zattardyń emıssııasyn tómendetý jáne qatty turmystyq qaldyqtardy kádege jaratý, sondaı-aq jańartylatyn energııa kózderi salasyndaǵy óńirdiń áleýetin tıimdi paıdalaný. Bul úshin aldaǵy bes jylda Aqtóbe ferroqorytpa zaýytynyń shań jáne gaz súzgisi, Aqtóbe hrom qosyndylary zaýytynyń tehnologııalyq jabdyqtarynyń shań-gaz tazartý qondyrǵysy qaıta jańartylady.
«Óńirde 9 turmystyq qatty qaldyqtar polıgony salynady. Atap aıtsam, 2021 jyly Baıǵanın, Mártók jáne Qobda aýdandarynda, 2022-2025 jyldary Áıteke bı, Qarǵaly, Temir, Oıyl jáne Yrǵyz aýdandarynda. Biz endi sol qaldyqty suryptap, ár jáshikke tek qajettisin ǵana salýdy úıretýimiz kerek. Osy arqyly óńdep, qaıta qoldaný joly ashylady. Adamdardyń mádenıeti, jaýapkershiligi artsa, ekologııalyq ahýal jaqsarady. Sonymen birge oblystyń qalalary men aýdandarynda qoqysty bólek jınaýǵa arnalǵan 2 myń konteıner ornatylady», - dedi úmitker.
Evgenıı Lazarchýk saılaýshylardyń jaǵymsyz ıispen kúres jumystaryn jıi suraıtynyn alǵa tartty. Ásirese jaz aılarynda Aqtóbe qalasynyń turǵyndary óndiris oryndary men túrli kásiporyndardyń úzdiksiz jumysy kezinde shaǵymy kóbeıedi. Bul suraqtardyń jaýaby partııanyń saılaýaldy baǵdarlamasynan tabyldy.
«Jyl saıyn 396 ga jerge 1,3 mln aǵash otyrǵyzý mindeti alǵa qoıyldy. Nátıjesinde 2025 jylǵa qaraı atmosferany lastaýshy zattardyń emıssııasyn 255 myń tonnaǵa deıin tómendetýge jáne qatty turmystyq qaldyqtardy qaıta óńdeý men kádege jaratý úlesin 15% jetkizýge múmkindik beredi. Biz birge bolsaq, bar qıyndyqty eńseremiz. Aqtóbe oblysynyń turǵyndaryn partııaǵa senim artyp, daýys berýge shaqyramyz. «Nur Otan» barlyq azamat úshin ashyq. Biz kez kelgen usynysty qoldaýǵa daıynbyz. El bolashaǵyn baǵdarlaýda syrt qalmaı, úles qossaq, erteńimiz jarqyn bolady», - dedi úmitker.
«Mega shyǵys» saýda ornynyń satýshylary men kelýshilerine partııanyń saılaýaldy baǵdarlamasyn tanystyrǵan Evgenıı Lazarchýk ekonomıkalyq-áleýmettik damý, agroónerkásip keshenin damytý, bilim men medıtsına, jastardy qoldaý jáne tarıh pen mádenıet salasyndaǵy basym baǵytttarǵa toqtaldy. Saılaýshylar 2021 jyldyń 10-qańtarynda óz tańdaýyn jasap, urpaq úshin daýys beretinin aıtty.
Qıyndyqty eńserip, jeńiske birge jetemiz!.
«Nur Otan» partııasy Aqtóbe oblysynyń Saılaý qorynyń qarajatynan tólendi.