«Nur Astana» meshiti elorda tazalyqshylaryna ystyq as pen sháı taratty
10:57, 17 Aqpan 2017
ASTANA. QazAqparat - «Nur Astana» ortalyq meshiti Astana tazalyqshylaryna arnaýly shara uıymdastyrdy, dep habarlaıdy QazAqparat.
«Alty aılap qysqy yzǵar men qalyń qar jaýǵan aralyqta qala tazalyqshylarynyń qyzmeti qyzady. Tazalyqshylar aıazdy kúnge qaramastan qala qonaqtary men turǵyndarynyń, qala berdi kólikterdiń qozǵalysyna qolaılyq týdyrý úshin ala tańnan jumysqa kirisedi. Bel býyp, kúrek arqalap, qaltqysyz eńbek etedi», - delingen meshittiń baspasóz qyzmeti taratqan habarlamada.
Osyndaı eńbekqor topqa «Nur Astana» meshitiniń qyzmetkerleri búgin tańerteń ystyq as pen sháı taratty.
«Igilikti sharamen D.Qonaev, Máńgilik el jáne Qabanbaı batyr kósheleri boıynda jumysqa jumyldyrylǵan 90 adam qamtyldy», - dep atap ótti baspasóz qyzmetinen.