Núkenovter advokaty alqa bıler soty jaıly: 10 adam qate sheshim qabyldamaıdy
- Jańa qabyldanǵan zań (otbasylyq-turmystyq zoryq-zombylyqqa qarsy is-qımyl jónindegi zań) áıelderdi qanshalyqty qorǵap, ahýaldy ózgerte alady?
- Menińshe, birde-bir zań quqyq pen qaýipsizdiktiń saqtalýyna tolyqtaı kepildik bere almaıdy. Degenmen, mundaı zańnyń qabyldanýy ýaqyt talaby bolatyn. Iá, bul salada jaǵdaıdyń jaqsarýyna qatysty naqty tendentsııa bolady dep nyq senemin.
- Bul baptardy qylmys dep tanymaý týraly sheshim qabyldanǵan kez esińizde me? Polıtsııa Qylmystyq kodekste bul norma kúrdeli júzege asyrylatynyn alǵa tartady. Shynymen, protsessýaldyq turǵyda óte kúrdeli me?
- Protsessýaldyq turǵyda kúrdeli bolýynyń sebebi mynada, kóp jaǵdaıda is tatýlasýmen aıaqtalyp jatatyn. Sondyqtan polıtsııa qyzmetkerlerine qıyndyq týyndaıtyn. Tipti, bul qıyndyq ta emes, shyrǵalań desek te bolady. Aıtalyq, búgin olar isti tirkeıdi, sotqa deıin jetetin sııaqty kórinedi. Biraq jubaılar tatýlasyp, aryzdaryn qaıtaryp alady. Qazir de sondaı jaǵdaı bolyp tur. Turmystyq zorlyq-zombylyqqa baılanysty ister aýyr sanatqa aınalyp, erekshe asa aýyr qylmys sanatyna jatqyzylady. Biraq, bul – negizdemelerdiń biri. Eger fakti bolsa, eger aryz jazylsa jáne de berilgen aryz aıasynda soqqyǵa jyǵylǵany anyqtalsa, onda sot satysynda tatýlasýǵa esh múmkindik joq.
- Endi ózińiz zardap shegýshi taraptyń múddesin qorǵaǵan, Internette tikeleı efırden kórsetilip, óte tanymal bolǵan iske qaraı oıyssaq. Qalaı oılaısyz, bul ózi durys tendentsııa ma?
- Tendentsııa durys dep oılaımyn jáne de osy oraıda, eń aldymen mundaı qadamǵa barǵan Joǵarǵy sotqa rızashylyǵymdy bildirgim keledi. Menińshe, bul – teńdessiz sheshim. Mundaı sheshim, eń aldymen sotqa da, alqa bılerge de qysymdy boldyrmaý maqsatynda qabyldandy. Óıtkeni, qarjylyq ne bolmasa saıası yqpaly bar adamdar aıyptalýshy ornynda otyratyn isterdiń jekelegen sanattarynda sotqa bergen kezdegi bastapqy aıyp ózgerip ketedi ne bolmasa múldem túsiniksiz eń tómengi jaza taǵaıyndalyp, qoǵamdy aıran-asyr qylyp qoıady. Menińshe, dál osy jaǵdaıda Joǵarǵy sot osyndaı barlyq teris áserlerdiń aldyn alýǵa sheshim qabyldap, ony jarııa ótkizgen sııaqty. Munyń kerektigine ne qajet emestigine qatysty aıtar bolsam, men muny qajet dep sanaımyn. Eger dál osy isti mysalǵa alar bolsaq, basynda jáne sońynda jaýap alynǵan kýágerler ózderine deıingi kýágerlerdiń bergen jaýaptaryn bilip otyrdy.
- Bul kedergi keltirdi me?
- Bul kedergi keltirerlikteı jaıt emes. Іsti sotta tikeleı qaraý bar. Onyń máni mynada, bir tulǵadan kýáger retinde jaýap alynǵannan keıin ile-shala kelesisinen jaýap alynady jáne sońǵy jaýap alynǵan kýáger ózine deıin aıtylǵan mán-jaılardy bilmeýi múmkin dep boljanady.
- Buǵan qosa, qazirgi ýaqytta alqa bılerdiń qylmystyq protseske qatysý protsesin ózgertý qajettigi jaıly áńgimeler shyǵa bastady...
- Men de, áriptesterimniń basym bóligi de, alqa bılerdiń qatysýmen ótetin sottyń klassıkalyq modelin jaqtaımyz. Klassıkalyq model degenimiz – alqa bılerdiń aqyldasý bólmesinde derbes, iske tóraǵalyq etýshi taraptardyń syrttan baqylaýynsyz sheshim qabyldaýy degendi bildiredi. Biz azamattarymyzdyń quzyreti jetpeıdi dep aıta almaımyz. Óıtkeni, kerisinshe elimizdiń osynaý búkil damý joly azamattarymyzdyń barynsha quzyretti, óte bilimdi, ári asa saýatty ekendigin kórsetip otyr.
- Demek, sonda ǵana barynsha ádil úkim bolady dep sanaısyz ǵoı?
- Iá, men dál solaı dep oılaımyn. Sonymen qatar kez kelgen sýdıaǵa quqyq qorǵaý organdarynyń ne bolmasa joǵary turǵan sottaǵy basshylyqtyń qalaı yqpal ete alatyndyǵyn bilemiz. Ázirshe, bizdiń sottarymyz tolyqqandy táýeldi emes. Mundaı sát, ıaǵnı sottarymyz qandaı da bir syrtqy yqpaldan táýelsiz bolatyn kún týady. Qalaı desek te, eger sot otyrysy alqa bılerdiń qatysýymen ótetin bolsa, onda ózderine, azamattarǵa berilgen materıaldardy shynaıy basshylyqqa ala otyryp, sheshim qabyldaýyna múmkindik bergen jón. Qazirgi jaǵdaıda 10 adam, tipti qandaı kásibı sýdıamen (bir adammen) salystyrmaly túrde alǵanda qate nemese teris sheshim qabyldaýy múmkin dep aıtýǵa bolmaıdy. Sondyqtan adamdarǵa sený jáne olarǵa sot tóreligin shyǵarýǵa múmkindik berý qajet.