ASTANA. KAZINFORM — «Úlken dýlyǵa» týrnıriniń 24 dúrkin chempıony, álemniń 3-raketkasy, 37 jastaǵy Novak Djokovıch Parıj olımpıadasyna qatysady.
Serbııa ulttyq olımpıada komıtetinen málim etkenindeı, N.Djokovıchpen birge Parıjde 33 jastaǵy Dýshan Laıovıch baq synaıdy.
Osy aıdyń basynda Djokovıch Rolan Garros týrnırinde jaraqat alyp, jarystan shyǵyp qalǵan bolatyn. Qazirgi kezde otadan keıin qalpyna kelýden ótýde.
Onyń Ýımbldon dodasyna qatysýy ázirge belgisiz bolyp otyr.
Olımpıadada tennıs týrnıri topyraq tósenishindegi korttarda 27 shilde — 4 tamyz aralyǵynda ótedi. Novak Tokıo olımpıadasynda 4-oryn alǵan bolatyn.
Reseı tennıs federatsııasy da olımpıadada óner kórsetetin oıynshylar tizimin jarııalady.
Álemniń 5-raketkasy Danııl Medvedev bastaǵan reseılik tennısshiler beıtarap eldiń atynan synǵa túsetin bolady.
Eske sala keteıik, budan buryn olımpıada qarsańynda Qazaqstan sportshylarynyń qandaı tabystarǵa qol jetkizgenin, olqylyqtar qandaı ekendigin jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).