Notarıýstardyń dáýreni ótip barady
«Jalpy, elimizde notarıaldyq qyzmet kólemi kemip bara jatqanyn atap ótken jón. Bul endi sharasyz nátıje. Tehnologııalar damyǵan saıyn, notarıaldyq qyzmet qysqara beredi. Notarıaldyq qyzmet degenimiz ne? Bul qandaı da bir oqıǵalar men faktilerdi kýálandyryp, rastaýdy bildiredi. Qazirgi kezde notarıýsty shaqyrǵansha, vıdeony jaza salý arzanǵa túsedi. Aldaǵy osy tektes tehnologııa damı túsedi, sondaı-aq bizdiń azamattyq-quqyqtyq aınalymda qoldanysy tereńdeı beredi. Bul - birinshi trend. Ekinshiden, rásimderdi jeńildetý júrip jatyr. ıAǵnı notarıaldyq kýáliktiń, qujattar kóshirmesiniń jáne túrli qujattardyń qajettigi azaıyp keledi»,-dep túsindirdi mınıstr.
2011 jyly notarıat týraly zańnamaǵa eleýli ózgertýler engizilgenin eske salyp ótken Beketaev, onyń nátıjesinde notarıaldyq korpýs 1 980-nen 4 70-ke deıin artqandyǵyn, negizgi ósim 2012-2014 jyldarǵa tıesili ekenin jetkizdi. Bul rette notarıýstar sanynyń artýy olardyń jumysynyń sapasy men zańdylyǵyna ońtaıly yqpal etti.
Onyń sózine qaraǵanda, durys básekelestiktiń arqasynda kórsetiletin qyzmetterdiń sapasy men olardyń halyq úshin qoljetimdiligi joǵarylady.