Nóser jańbyr, burshaq: 11 tamyzǵa arnalǵan aýa raıy boljamy

<p>ASTANA. KAZINFORM &mdash; Atmosferalyq frontaldy bólikterdiń áserinen 11 &nbsp;tamyzda elimizdiń basym bóliginde aýa raıy qubylmaly bolady: kún kúrkirep, Naızaǵaı oınaıdy jáne burshaq jaýady. Shyǵysta jáne ońtústik-shyǵysta nóser jańbyr jaýady.</p>

Qazgıdromet sınoptıkteriniń boljamy boıynsha, elimizdiń soltústigi men ońtústiginde ǵana aýa raıy jaýyn-shashynsyz bolady. Respýblıka boıynsha jel kúsheıedi, ońtústikte shańdy daýyl soǵady, túnde jáne tańerteń soltústik-batysta, soltústikte jáne ortalyqta tuman túsedi.

Atyraý, Abaı oblystarynda, Ulytaý jáne Jetisý oblystarynyń shyǵysynda, Qaraǵandy ​​oblysynyń batysynda, shyǵysynda, Batys Qazaqstannyń ortalyǵynda, ońtústiginde, shyǵysynda, Shyǵys Qazaqstannyń ortalyǵynda, Almaty oblystarynyń ońtústik jartysynda joǵary órt qaýpi bar.

Mańǵystaý, Qyzylorda, Túrkistan, Jambyl, Ulytaý jáne Jetisý oblystarynda, Almatynyń soltústik jartysynda, ońtústiginde, Aqtóbeniń shyǵysynda, ońtústik-batysynda, Atyraýdyń ońtústiginde, Qostanaıdyń ońtústiginde, Shyǵys Qazaqstan, Qaraǵandy oblystarynda jáne Abaı oblysynda tótenshe órt qaýpi bar.