Norvegııalyq fermer 1000 jyl burynǵy qylyshty taýyp aldy

<p>ASTANA. KAZINFORM &ndash; 27 mamyrda Oıland Lovra ulymen birge Rogaland okrýgindegi bos jatqan egistik alqabyn tazalap jatqanda qundy jádigerdi taýyp alǵan.</p>

Áý basta balasy ıÝland tot basqan temirge asa mán bermeı, laqtyryp jibergisi kelgen. Alaıda Oıland temirdi muqııat qarap shyǵyp, onyń Vıkıng dáýirindegi qylysh ekenin túsingen.

Fermaǵa kelgen Stavanger ýnıversıtetiniń arheologtary Oılandtyń oljasy óte qundy degen qorytyndyǵa keldi. Bul – Rogaland aýdanynda tabylǵan alǵashqy qylysh.

Qylysh bizdiń zamanymyzdyń 900-1050 jyldarynda jasalǵan. Sońǵy myńjyldyqta qylysh júziniń uzyndyǵynyń jartysynan az bóligi ǵana (shamamen 37 santımetr) saqtalypty.

Sırek kezdesetin jádigerdi rentgendik zertteýden ótkizgende onyń sabynda kresttiń sýreti jáne Ýlfbert degen jazýdyń bar ekenin kórsetti. Ǵalymdar bul qylysh erte orta ǵasyrlarda áıgili bolǵan vıkıng qylyshynyń biri bolýy múmkin dep boljap otyr.

Ýlfbert sol kezdegi Frank ımperııasynyń aýmaǵynda sapaly qylyshtardy soqqan sheberdiń aty bolýy múmkin. Osy ýaqytqa deıin dál mundaı 170-ke jýyq qylysh tabylǵanyn atap ótken jón. Kóbine Skandınavııa elderi aýmaǵynda tirkelgen. Dese de, ǵalymdar ótken myńjyldyqta Ýlfbert jazýy bar qarýlar búkil Eýropaǵa taralǵan dep sanaıdy.