Norvegııada soqqan «Gans» daýylynan sý tasqyny bolyp, kóshkin júrdi

BRıÝSSELЬ. QazAqparat - Norvegııa aýmaǵynda soqqan «Gans» daýyly sońǵy elý jyl ishinde Skandınavııa elinde qatty sý tasqynyna ákeldi, dep habarlaıdy QazAqparat tilshisi.

«Gans» dep atalǵan daýyl jeksenbi kúni keshke Shvetsııany basyp, dúısenbide Norvegııaǵa jetti, bul Danııa men Fınlıandııanyń keıbir aımaqtaryna da áser etti.

Tótenshe qubylys nóser jańbyr týdyryp, onyń áserinen sý tasqyny ornap, kólik júıesinde aqaýlar týdyrdy. Myńdaǵan adam úılerinen evakýatsııalandy.

Norvegııanyń Premer-Mınıstri Ionas Gar Stere el aldaǵy kúnderi jańa sý tasqynyna daıyn bolýy kerek dep málimdedi. Norvegııanyń shyǵys aımaqtarynda sý tasqyny men kóshkin qaýpi týraly eskertýdiń qyzyl deńgeıi taralýda.

«Qyzyl deńgeıdegi sý tasqyny týraly eskertý Vıken men Inlandettiń kóp bóligi úshin saqtalady. Eldiń úlken ózenderiniń biri Drammensvassdragettegi sý aǵynynyń edáýir bóliginiń deńgeıi 50 jyldyq sý tasqynynan asyp túsedi jáne onyń saldary aýyr bolady», - dedi Norvegııanyń sý jáne energetıka basqarmasynyń mamany Erık Holmkvıst.

Sońǵy birneshe kúnde Vıken men Innlandet pýnktterinde sý tasqyny men kóshkin qaýpine baılanysty júzdegen adam evakýatsııalandy.

Hallıngdaldaǵy Nesbende ortalyqtyń kóp bóligi sý astynda qaldy. Birqatar jerde tikushaqtardy qoldaný arqyly keń kólemdi evakýatsııalaý júrgizilýde.