Norvegııa taq murageriniń uly qylmys jasady dep ustaldy
08:50, 20 Qarasha 2024
<p>ASTANA. KAZINFORM – Norvegııa taq murageri Mette-Marıttiń uly Marıýs Borg Heıbı es-túzsiz bolǵan adamǵa zorlyq-zombylyq kórsetti degen kúdikpen ustaldy, dep habarlaıdy Kazinform-nyń <a href="https://www.inform.kz/ru/sin-kronprintsessi-norvegii-zaderzhan-po-podozreniyu-v-sovershenii-akta-nasiliya-298276" target="_blank" rel="noopener">menshikti tilshisi.</a></p>
Norvegııa telearnasynyń habarlaýynsha, 27 jastaǵy Marıýs Borg Heıbı dúısenbi kúni ustalǵan. Oǵan qarsylyq kórsetýge qaýqarsyz nemese es-túzsiz bolǵan adamǵa zorlyq kórsetti degen aıyp taǵylýda. Polıtsııa bul oqıǵa boıynsha áli naqty sheshim qabyldaǵan joq.
Buǵan deıin de Norvegııanyń taq murageri Mette-Marıttiń uly Marıýs Borg Hoıbıdi polıtsııa ustaǵan bolatyn. Ol burynǵy súıiktisine zorlyq-zombylyq kórsetti, sonymen qatar múlkine zııan keltirdi degen kúdikke ilingen.
Keıin Marıýs Oslonyń Frogner aýdanyndaǵy 26 jastaǵy áıeldiń páterinde bolǵan oqıǵaǵa túsinik berip, onyń alkogol men kokaın áserinen jasalǵanyn aıtty.