Norvegııa Reseımen shekarasyna dýal salýy múmkin

<p>ASTANA. KAZINFORM &ndash; Bul týraly eldiń Ádilet mınıstri Emılı Enger Mel málimdedi, dep habarlaıdy <a href="https://t.me/bbcrussian/71026" target="_blank" rel="noopener">BBC</a>.&nbsp;</p>

Onyń aıtýynsha, dýal búkil 198 shaqyrymdyq qurlyq shekarasyna nemese onyń bir bóligine salynýy múmkin.

«Shekara qorshaýy tosqaýyl bola alatyndyǵymen ǵana emes, shekaraǵa jaqyndaǵan adamdardy anyqtaıtyn datchıkter men tehnologııalardyń bolýymen de mańyzdy. Endi mundaı qorshaý Norvegııada da shyndyqqa aınalady. Bul shara shekaranyń tolyq nemese bir bóligine qatysty bolýy múmkin», - dedi mınıstr NRK habar taratý kompanııasy bergen suhbatynda. 

Norvegııa bıligine jaqyn arada Reseımen shekarada 200 shaqyrymdyq qorshaý salýdy josparlap otyrǵan Fınlıandııanyń úlgisi oı salǵany habarlandy.

Mel bıliktiń basqa da sharalardy qarastyryp jatqanyn atap ótti, onyń ishinde shekarashylar sanyn kóbeıtý jáne «Stýrskýg» (Reseı jaǵynan – «Borısoglebsk») jalǵyz avtokólik ótkizý pýnktinde baqylaýdy kúsheıtý. Osy shekara beketinde 2015 jyly Reseı aýmaǵynan Sırııa, Aýǵanstan jáne Iraktan 5 myńnan astam bosqyn aǵylyp kelgennen keıin Norvegııa bıiktigi 3,5 metr bolatyn 200 metrlik dýal saldy.

Buǵan deıin Grekııa Túrkııamen shekarada dýal salý josparyn jarııalaǵan bolatyn.