Norvegııa parlamentiniń ókili dopıngti qylmystyq is qataryna qosýdy usyndy

OSLO. QazAqparat – Norvegııa parlamentindegi basqarýshy konservatıvtik partııa ókili Peter Frelıh sportta dopıng qoldanýdy ekonomıkalyq qylmysqa jatqyzyp, zańsyz preparattardy qoldanǵany úshin sottalǵan sportshylarǵa berilgen syıaqyny qaıtaryp alý týraly usynys aıtty, dep habarlaıdy QazAqparat tilshisi.

«Biz dopıngti ekonomıkalyq qylmys dep esepteımiz», - dep túsindirdi ol Nationen gazetine bergen suhbatynda.

Osylaısha, Norvegııanyń qylmystyq isine dopıng qosylýy múmkin. Buǵan 2019 jyly Aýstrııada shańǵy jarysynan bolǵan álem chempıonaty kezindegi daý-damaı sebep boldy. Sol kezde birneshe sportshy dopıngimen ustalǵan.

«Norvegııanyń polıtseıleri aýstrııalyq áriptesteri sekildi áreketke bara alýy úshin zańǵa ózgeris qajet, biz qazir osy baǵytta jumys istep jatyrmyz», - dep túsindirdi depýtat.

Norvegııa zańnamasy Dúnıejúzilik antıdopıng agenttiginiń (WADA) erejelerine sáıkes ózgertilýi múmkin.

Avtory Ilıas Omarov