Normatıvtik quqyqtyq aktilerdiń memlekettik tizilimi jáne etalondyq baqylaý bankin júrgizý qaǵıdalary bekitildi
Osy qaýlyǵa qosymshaǵa sáıkes, memlekettik organdar QR Prezıdentiniń, Parlament pen onyń palatalarynyń, Úkimettiń, Konstıtýtsııalyq Keńestiń jáne Joǵarǵy Sottyń normatıvtik quqyqtyq aktileriniń memlekettik organnyń mórimen rastalǵan jáne Zańnyń 35-babynda kórsetilgen normatıvtik quqyqtyq aktilerge qol qoıýǵa ýákiletti adamnyń elektrondyq tsıfrlyq qoltańbasymen kýálandyrylǵan kóshirmelerin qol qoıylǵan kúnnen bastap on kúntizbelik kún ishinde qazaq jáne orys tilderinde bir danada qaǵaz jáne elektrondyq túrde memlekettik kásiporynǵa jiberedi. Elektrondyq túrdegi normatıvtik quqyqtyq aktilerdi memlekettik kásiporynǵa jiberý elektrondyq qujat aınalymy júıesi arqyly júrgiziledi. Birlesken normatıvtik quqyqtyq aktilerge elektrondyq tsıfrlyq qoltańbanyń qoıylýyn normatıvtik quqyqtyq aktini ázirleýge jaýapty bolyp belgilengen ýákiletti organ qamtamasyz etedi. Etalondyq baqylaý bankine kelip túsken normatıvtik quqyqtyq aktini tirkeý ol qaǵaz jáne elektrondyq túrde bolǵan kezde júzege asyrylady.
Normatıvtik quqyqtyq aktilerdiń derektemeleri men mátini bir normatıvtik quqyqtyq aktige tıesiligi turǵysynan tekseriledi. Etalondyq baqylaý bankin qalyptastyrý kezinde normatıvtik quqyqtyq aktilerdiń qazaq jáne orys tilderindegi mátinderi salystyrylyp tekserilmeıdi.
QazAqparat qujattyń tolyq mátinin taratady.
***
Qazaqstan Respýblıkasy normatıvtik quqyqtyq aktileriniń memlekettik tizilimin, Qazaqstan Respýblıkasy normatıvtik quqyqtyq aktileriniń etalondyq baqylaý bankin júrgizý qaǵıdalaryn bekitý týraly
Qazaqstan Respýblıkasy Úkimetiniń 2016 jylǵy «25» shildedegi № 439 qaýlysy
«Quqyqtyq aktiler týraly» 2016 jylǵy 6 sáýirdegi Qazaqstan Respýblıkasy Zańynyń 53-babynyń 4-tarmaǵyna sáıkes Qazaqstan Respýblıkasynyń Úkimeti QAÝLY ETEDI:
1. Qosa berilip otyrǵan Qazaqstan Respýblıkasy normatıvtik quqyqtyq aktileriniń memlekettik tizilimin, Qazaqstan Respýblıkasy normatıvtik quqyqtyq aktileriniń etalondyq baqylaý bankin júrgizý qaǵıdalary bekitilsin.
2. Osy qaýlyǵa qosymshaǵa sáıkes Qazaqstan Respýblıkasy Úkimetiniń keıbir sheshimderiniń kúshi joıyldy dep tanylsyn.
3. Osy qaýly alǵashqy resmı jarııalanǵan kúninen bastap qoldanysqa engiziledi.
Qazaqstan Respýblıkasynyń Premer-Mınıstri K. Másimov
Qazaqstan Respýblıkasy
Úkimetiniń
2016 jylǵy « 25 » shildedegi
№ 439 qaýlysyna
qosymsha
Qazaqstan Respýblıkasy Úkimetiniń kúshi joıylǵan
keıbir sheshimderiniń tizbesi
1. «Qazaqstan Respýblıkasy normatıvtik quqyqtyq kesimderiniń memlekettik tizilimin, normatıvtik quqyqtyq kesimderiniń etalondyq baqylaý bankin júrgizý erejesin bekitý týraly» Qazaqstan Respýblıkasy Úkimetiniń 2006 jylǵy 29 sáýirdegi № 343 qaýlysy (Qazaqstan Respýblıkasynyń PÚAJ-y, 2006 j., № 15, 149-qujat).
2. «Qazaqstan Respýblıkasy Úkimetiniń 2006 jylǵy 29 sáýirdegi № 343 jáne 2006 jylǵy 25 tamyzdaǵy № 817 qaýlylaryna ózgerister men tolyqtyrýlar engizý týraly» Qazaqstan Respýblıkasy Úkimetiniń 2007 jylǵy 19 qarashadaǵy № 1094 qaýlysy (Qazaqstan Respýblıkasynyń PÚAJ-y, 2007 j., № 43, 510-qujat).
3. «Qazaqstan Respýblıkasy Úkimetiniń keıbir sheshimderine ózgerister men tolyqtyrýlar engizý týraly» Qazaqstan Respýblıkasy Úkimetiniń 2011 jylǵy 6 qazandaǵy № 1141 qaýlysymen bekitilgen Qazaqstan Respýblıkasy Úkimetiniń keıbir sheshimderine engiziletin ózgerister men tolyqtyrýlardyń 4-tarmaǵy (Qazaqstan Respýblıkasynyń PÚAJ-y, 2011 j., № 56, 794-qujat).
4. «Qazaqstan Respýblıkasy normatıvtik quqyqtyq aktileriniń memlekettik tizilimin, Qazaqstan Respýblıkasy normatıvtik quqyqtyq aktileriniń etalondyq baqylaý bankin júrgizýdi júzege asyratyn memlekettik kásiporyndy aıqyndaý jáne «Qazaqstan Respýblıkasy normatıvtik quqyqtyq aktileriniń memlekettik tizilimin, normatıvtik quqyqtyq aktileriniń etalondyq baqylaý bankin júrgizý qaǵıdalaryn bekitý týraly» Qazaqstan Respýblıkasy Úkimetiniń 2006 jylǵy 29 sáýirdegi № 343 qaýlysyna ózgeris engizý týraly» Qazaqstan Respýblıkasy Úkimetiniń 2014 jylǵy 30 qyrkúıektegi № 1045 qaýlysynyń 2-tarmaǵy (Qazaqstan Respýblıkasynyń PÚAJ-y, 2014 j., № 59-60, 564-qujat).
5. «Qazaqstan Respýblıkasy Úkimetiniń «Qazaqstan Respýblıkasy normatıvtik quqyqtyq kesimderiniń memlekettik tizilimin, normatıvtik quqyqtyq kesimderiniń etalondyq baqylaý bankin júrgizý erejesin bekitý týraly» 2006 jylǵy 29 sáýirdegi № 343 jáne «Qazaqstan Respýblıkasy mınıstrleriniń jáne ortalyq memlekettik organdardyń ózge de basshylarynyń, vedomstvolar basshylarynyń normatıvtik quqyqtyq buıryqtaryn, ortalyq jáne jergilikti atqarýshy organdardyń normatıvtik quqyqtyq aktilerin, ortalyq memlekettik organdardyń qaýlylaryn, Ortalyq saılaý komıssııasynyń normatıvtik qaýlylaryn, máslıhattardyń normatıvtik quqyqtyq sheshimderin, sondaı-aq ákimdikterdiń normatıvtik quqyqtyq qaýlylary men ákimderdiń normatıvtik quqyqtyq sheshimderin resmı jarııalaý júzege asyrylatyn ınternet-resýrsty aıqyndaý jáne Qazaqstan Respýblıkasy Úkimetiniń keıbir sheshimderine ózgerister engizý týraly» 2013 jylǵy 21 qazandaǵy № 1124 qaýlylaryna ózgerister engizý týraly» Qazaqstan Respýblıkasy Úkimetiniń 2016 jylǵy 28 qańtardaǵy № 35 qaýlysynyń 1-tarmaǵynyń 1) tarmaqshasy (Qazaqstan Respýblıkasynyń PÚAJ-y, 2016 j., № 7, 30-qujat).
Qazaqstan Respýblıkasy
Úkimetiniń
2016 jylǵy « 25 » shildedegi
№ 439 qaýlysymen
bekitilgen
Qazaqstan Respýblıkasy normatıvtik quqyqtyq aktileriniń
memlekettik tizilimin, Qazaqstan Respýblıkasy normatıvtik
quqyqtyq aktileriniń etalondyq baqylaý bankin júrgizý
qaǵıdalary
1. Jalpy erejeler
1. Osy Qazaqstan Respýblıkasy normatıvtik quqyqtyq aktileriniń memlekettik tizilimin, Qazaqstan Respýblıkasy normatıvtik quqyqtyq aktileriniń etalondyq baqylaý bankin júrgizý qaǵıdalary (budan ári - Qaǵıdalar) «Quqyqtyq aktiler týraly» 2016 jylǵy 6 sáýirdegi Qazaqstan Respýblıkasy Zańynyń 53-babynyń 4-tarmaǵyna sáıkes ázirlendi jáne Qazaqstan Respýblıkasy normatıvtik quqyqtyq aktileriniń memlekettik tizilimin, Qazaqstan Respýblıkasy normatıvtik quqyqtyq aktileriniń etalondyq baqylaý bankin júrgizý tártibin aıqyndaıdy.
2. Osy Qaǵıdalarda paıdalanylatyn negizgi uǵymdar:
1) Qazaqstan Respýblıkasy normatıvtik quqyqtyq aktileriniń memlekettik tizilimi (budan ári - Memlekettik tizilim) - normatıvtik quqyqtyq aktilerdiń derektemelerin jáne osy aktiler týraly basqa da aqparattyq-anyqtamalyq sıpattaǵy málimetterdi qamtıtyn Qazaqstan Respýblıkasynyń normatıvtik quqyqtyq aktilerin memlekettik esepke alýdyń biryńǵaı júıesi;
2) Qazaqstan Respýblıkasy normatıvtik quqyqtyq aktileriniń etalondyq baqylaý banki (budan ári - Etalondyq baqylaý banki) - olar týraly málimetter Qazaqstan Respýblıkasy normatıvtik quqyqtyq aktileriniń memlekettik tizilimine engizilgen qaǵaz jetkizgishtegi normatıvtik quqyqtyq aktiler jıyntyǵy jáne elektrondyq qujat nysanyndaǵy normatıvtik quqyqtyq aktilerdiń elektrondyq júıesi;
3) etalondyq baqylanatyn normatıvtik quqyqtyq akt - qaǵaz jetkizgishtegi jáne Qazaqstan Respýblıkasy normatıvtik quqyqtyq aktileriniń memlekettik tizilimin, Qazaqstan Respýblıkasy normatıvtik quqyqtyq aktileriniń etalondyq baqylaý bankin júrgizý úshin Qazaqstan Respýblıkasynyń Úkimeti aıqyndaǵan memlekettik kásiporynnyń (budan ári - memlekettik kásiporyn) laýazymdy adamynyń elektrondyq tsıfrlyq qoltańbasy qoıylǵan elektrondyq qujat nysandaǵy (ózgeristermen jáne tolyqtyrýlarmen) normatıvtik quqyqtyq akt;
4) elektrondyq tsıfrlyq qoltańba - elektrondyq tsıfrlyq qoltańba quraldarymen jasalǵan jáne elektrondyq qujattyń dáıektiligin, onyń tıesiligin jáne mazmunynyń ózgermeıtindigin rastaıtyn elektrondyq tsıfrlyq nyshandar terimi;
5) elektrondyq qujat aınalymy júıesi - qatysýshylary arasyndaǵy qatynastar «Elektrondyq qujat jáne elektrondyq tsıfrlyq qoltańba týraly» 2003 jylǵy 7 qańtardaǵy Qazaqstan Respýblıkasynyń Zańymen jáne Qazaqstan Respýblıkasynyń ózge de normatıvtik quqyqtyq aktilerimen retteletin elektrondyq qujattar almasý júıesi.
3. Memlekettik tizilim jáne Etalondyq baqylaý banki Qazaqstan Respýblıkasynyń normatıvtik quqyqtyq aktilerin biryńǵaı memlekettik esepke alýdy qamtamasyz etý maqsatynda qurylady.
4. Memlekettik tizilimdi jáne Etalondyq baqylaý bankin júrgizýdi memlekettik kásiporyn júzege asyrady.
5. Etalondyq baqylaý bankine engizilgen normatıvtik quqyqtyq aktiler hronologııalyq tártippen esepke alýǵa jatady.
6. Etalondyq baqylanatyn normatıvtik quqyqtyq aktiler úshin saqtaý merzimi - «turaqty».
7. Zańnyń 22-babynyń 2), 3), 4), 5), 6), 7) tarmaqshalaryna sáıkes «Qyzmet babynda paıdalaný úshin», «Baspasózde jarııalanbaıdy», «Baspasózge arnalmaǵan» degen belgileri bar normatıvtik quqyqtyq aktiler elektrondyq túrde Etalondyq baqylaý bankine derektemeler túrinde ornalasady.
«Erekshe mańyzdy», «óte qupııa», «qupııa» degen belgileri bar normatıvtik quqyqtyq aktiler Memlekettik tizilimge jáne Etalondyq baqylaý bankine engizilýge jatpaıdy.
2. Memlekettik tizilimdi jáne
Etalondyq baqylaý bankin júrgizý tártibi
8. Memlekettik organdar Qazaqstan Respýblıkasy Prezıdentiniń, Qazaqstan Respýblıkasynyń Parlamenti men onyń palatalarynyń, Qazaqstan Respýblıkasy Úkimetiniń, Qazaqstan Respýblıkasy Konstıtýtsııalyq Keńesiniń jáne Qazaqstan Respýblıkasy Joǵarǵy Sotynyń normatıvtik quqyqtyq aktileriniń memlekettik organnyń mórimen rastalǵan jáne Zańnyń 35-babynda kórsetilgen normatıvtik quqyqtyq aktilerge qol qoıýǵa ýákiletti adamnyń elektrondyq tsıfrlyq qoltańbasymen kýálandyrylǵan kóshirmelerin qol qoıylǵan kúnnen bastap on kúntizbelik kún ishinde qazaq jáne orys tilderinde bir danada qaǵaz jáne elektrondyq túrde memlekettik kásiporynǵa jiberedi.
9. Memlekettik organdar Qazaqstan Respýblıkasy Ádilet mınıstrliginde jáne onyń aýmaqtyq organdarynda memlekettik tirkeýden ótken Qazaqstan Respýblıkasy mınıstrleriniń jáne ortalyq memlekettik organdardyń ózge de basshylarynyń, ortalyq memlekettik organdardyń vedomstvolary basshylarynyń normatıvtik quqyqtyq buıryqtarynyń, Qazaqstan Respýblıkasy Ortalyq saılaý komıssııasynyń, Respýblıkalyq bıýdjettiń atqarylýyn baqylaý jónindegi esep komıtetiniń, Qazaqstan Respýblıkasy Ulttyq Bankiniń jáne ózge de ortalyq memlekettik organdardyń normatıvtik quqyqtyq qaýlylarynyń, máslıhattardyń normatıvtik quqyqtyq sheshimderiniń, ákimdikterdiń normatıvtik quqyqtyq qaýlylarynyń, tekserý komıssııalarynyń normatıvtik quqyqtyq qaýlylarynyń jáne ákimderdiń normatıvtik quqyqtyq sheshimderiniń memlekettik organnyń mórimen rastalǵan jáne Zańnyń 35-babynda kórsetilgen normatıvtik quqyqtyq aktilerge qol qoıýǵa ýákiletti adamnyń elektrondyq tsıfrlyq qoltańbasymen kýálandyrylǵan kóshirmelerin memlekettik tirkeý kúninen bastap kúntizbelik on kún ishinde qazaq jáne orys tilderinde bir danada qaǵaz jáne elektrondyq túrde memlekettik kásiporynǵa jiberedi.
Birlesken normatıvtik quqyqtyq aktilerdi normatıvtik quqyqtyq aktini ázirleýge jaýapty bolyp belgilengen ýákiletti organ memlekettik kásiporynǵa joldaıdy.
10. Osy Qaǵıdalardyń 8 jáne 9-tarmaqtarynda kózdelgen elektrondyq túrdegi normatıvtik quqyqtyq aktilerdi memlekettik kásiporynǵa jiberý elektrondyq qujat aınalymy júıesi arqyly júrgiziledi.
Birlesken normatıvtik quqyqtyq aktilerge elektrondyq tsıfrlyq qoltańbanyń qoıylýyn normatıvtik quqyqtyq aktini ázirleýge jaýapty bolyp belgilengen ýákiletti organ qamtamasyz etedi.
11. Etalondyq baqylaý bankine kelip túsken normatıvtik quqyqtyq aktini tirkeý ol qaǵaz jáne elektrondyq túrde bolǵan kezde júzege asyrylady.
12. Kelip túsken elektrondyq túrdegi normatıvtik quqyqtyq aktiler aqparattandyrý salasyndaǵy ýákiletti organ belgilegen tártippen rastalǵan elektrondyq tsıfrlyq qoltańbanyń tólnusqalylyǵyn tekserý rásiminen ótedi. Normatıvtik quqyqtyq aktilerdiń derektemeleri men mátini bir normatıvtik quqyqtyq aktige tıesiligi turǵysynan tekseriledi.
Tekserýdiń nátıjesi teris bolǵan jaǵdaıda, normatıvtik quqyqtyq aktiler elektrondyq túrde alynbaǵan dep esepteledi, bul týraly jóneltýshige qujattyń alynbaý sebepteri kórsetile otyryp, Etalondyq baqylaý banki aqparattyq júıesinen elektrondyq qujat aınalymy júıesine habarlama jiberiledi.
Memlekettik organdar qujattyń alynbaýy týraly habarlama alynǵan kúnnen bastap eki jumys kúni ishinde memlekettik kásiporynǵa normatıvtik quqyqtyq aktilerdi elektrondyq túrde qaıta jiberedi.
13. Memlekettik tizilimge engizilýge tıis normatıvtik quqyqtyq aktiler memlekettik kásiporynǵa kelip túsken sátten bastap bes jumys kúni ishinde engiziledi jáne olarǵa tirkeý nómiri beriledi.
14. Osy Qaǵıdalardyń 8 jáne 9-tarmaqtarynda kórsetilgen kelip túsken normatıvtik quqyqtyq aktilerdi Etalondyq baqylaý bankine engizý olar memlekettik kásiporynǵa kelip túsken kúnnen bastap bes jumys kúni ishinde júzege asyrylady.
15. Etalondyq baqylaý bankine engizilgen normatıvtik quqyqtyq aktiler olarǵa aǵymdaǵy ózgerister men tolyqtyrýlardy engizý, normatıvtik quqyqtyq aktilerdiń jekelegen bólikteriniń kúshi joıyldy dep taný ne olardyń qoldanylýyn toqtata turý arqyly baqylanatyn jaǵdaıda ustalady.
Normatıvtik quqyqtyq aktilerge ózgerister men tolyqtyrýlar engizilgen, normatıvtik quqyqtyq aktilerdiń jekelegen bólikteriniń kúshi joıyldy dep tanylǵan ne olardyń qoldanylýy toqtatyla turǵan kezde, olardyń mátinine engiziletin normalardyń tujyrymyn, sondaı-aq aktiniń nysany, qabyldanǵan kúni men nómiri týraly aqparatty naqty kórsetetin belgiler engiziledi.
16. Normatıvtik quqyqtyq aktiniń kúshi joıyldy dep tanylǵan ne onyń qoldanylýy belgili bir merzimge toqtatyla turǵan kezde Memlekettik tizilimge tıisti jazbalar jáne Etalondyq baqylaý bankine engizilgen normatıvtik quqyqtyq aktiniń qaǵaz jáne elektrondyq mátinine tıisti normatıvtik quqyqtyq aktige silteme jasaı otyryp, onyń kúshi joıyldy dep taný ne qoldanylýyn toqtata turý týraly belgi jasalady.
17. Etalondyq baqylaý bankin qalyptastyrý kezinde normatıvtik quqyqtyq aktilerdiń qazaq jáne orys tilderindegi mátinderi salystyrylyp tekserilmeıdi.
18. Etalondyq baqylaý bankin qalyptastyrý jónindegi nusqaýlyqty, sondaı-aq oǵan málimetter engizýdi Qazaqstan Respýblıkasynyń Ádilet mınıstri aıqyndaıdy.