Nora Djerýto júkti bolsa da, Parıj Olımpıadasyna qatysýǵa teorııalyq múmkindigi bar - vıtse-mınıstr

<p>Týrızm jáne sport vıtse-mınıstri Serik Jarasbaev Májilistegi áleýmettik-mádenı damý komıtetiniń otyrysynan keıin jýrnalıster suraǵyna bergen jaýabynda Kenııadan shyqqan legıoner sportshy Nora Djerýtonyń Parıj Olımpıadasynda Qazaqstan atynan óner kósretý múmkindigi týraly pikir bildirdi, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Jıyn barysynda vıtse-mınıstr 3000 metrge júgirýden Qazaqstanǵa álem chempıonatynyń altyn medalin alyp bergen jeńil atlettiń dopıng daýynan aqtalyp shyqqanyn, Parıj Olımpıadasyna qatysýǵa esh shekteý joq ekenin aıtty.

Jıynnan keıin jýrnalıster atalǵan sportshynyń júktiligi Parıjde baq synaýyna kedergi keltirmeı me degen saýal qoıdy.

«Onyń Parıj Olımpıadasyna qatysýy josparda bar. Biraq qatysa ma, qatyspaı ma, áli belgisiz. Nege deseńiz, jeńil atletıkanyń lıtsenzııalyq jarystary 2024 jylǵy shilde aıyna deıin ótkiziledi. ıAǵnı, áli sol jarystardan ótýi kerek. Negizi josparda tur. Nora Djerýto - reıtıngte birinshi qatarda turǵan sportshylardyń biri. Sondyqtan aman-esen bosanyp, balany dúnıege ákelgennen keıin jarysqa qatysyp, jeńimpaz bop shyqsa, árıne, qatysýy múmkin. ıAǵnı, teorııalyq turǵyda múmkin», - dedi Serik Jarasbaev.

Eske salsaq, bıyl sáýir aıynda Nora Djerýtonyń dopıng daýyna ilikkeni málim bolǵan. Keıin onyń júktilikpen baılanysty dári qoldanǵany dáleldenip, dopıngten taza ekeni habarlandy.