Nomura sarapshylary taıaý kúnderi Brent 30 dollarǵa sheıin túsedi dep boljap otyr
09:36, 08 Qańtar 2016
ASTANA. QazAqparat - Brent munaıynyń baǵamy aldaǵy on kúnniń ishinde barreline 30 dollarǵa sheıin arzandaıdy, dep boljaıdy Nomura sarapshylary. Al, UBS Group AG mamandarynyń pikirinshe baǵa budan da tómen bolýy múmkin, dep habarlaıdy reseılik RBK agenttigi.
Japonııanyń Nomura qarjy holdınginiń sarapshylary soltústikteńizden óndiriletin Brent munaıynyń barreli aldaǵy on kún shamasynda 30 dollarǵa sheıin túsedi dep boljap otyr.
Batystehastyq WTI munaıynyń baǵasy eń tómengi 2003-shi jylǵy deńgeıge, Brent 2004-shi jylǵy deńgeıge tústi. WTI men Brent sońǵy tórt kúnde 33 dollar deńgeıinde saýdalanýda.
Al, UBS Group AG mamandary «munaıdyń artyǵymen saýdalanýy baǵany barreline 30 dollardan da tómen deńgeıge túsiredi» degen pikirdi ustanýda.