Nómirsiz kólik azamattyǵy joq adam sekildi – Dáýren Abaev reseılik kólikter týraly

NUR-SULTAN. QazAqparat – QR Prezıdenti Ákimshiligi Basshysynyń birinshi orynbasary Dáýren Abaev reseılik nómirmen júrgen 88 myń kólikke qatysty óz pikirin bildirdi, dep habarlaıdy QazAqparat tilshisi.

«Qazaqstanda kenetten Reseıdiń resmı esebinen shyǵarylǵan jáne Qazaqstanda esepke qoıylmaǵan 88 myń avtomobıl anyqtaldy. Osylaısha, olar esh jerge tirkelmegen. Tekserý bastalǵanda mundaı kólik ıeleri mıtıngige shyǵyp, ýtılızatsııa alymyn toqtatýdy talap ete bastady», - dedi jýrnalıst «Habar» arnasyndaǵy «Ashyq dıalog» baǵdarlamasynda.

«Qazaqstanda da, Reseıde de tirkelmegen reseılik nómirli avtokólikter – is júzinde nómiri joq avto. Bul azamattyǵy joq adam sııaqty. Osyndaı kóptegen kólik ıelerin tıisti ıýrısdıktsııalardyń bolmaýy erkimen jiberdi. Búkil el boıynsha 1,5 myńǵa jýyq apat, 200-den astam adam qaza tapty, ondaǵan myń buzýshylyq boldy jáne eshqandaı aıyppul tólenbedi. Bul qoǵamnyń osy bulyńǵyr shema úshin tólegen ótemi. Árıne, kóptegen adamdar bul taqyrypqa bas aýyrtqysy kelmeıdi, tek Qudaı saqtasyn, jolda osyndaı júrgizýshige tap bolsa ǵana oılaı bastaıdy», - dedi Dáýren Abaev.